பிக்பாஸ் – 4 குறித்து வீடியோ ஒன்றினை உலகநாயகன் கமல்ஹாசன் தனது டுவிட்டர் பக்கத்தில் வெளியிட்டுள்ளார்.
உலகநாயகன் கமல்ஹாசன் தொகுத்து வழங்கும் பிக்பாஸ் சீசன் 4 விரைவில் ஒளிபரப்பாகவுள்ளது. இதில் கலந்து கொள்ளும் போட்டியாளர்கள் குறித்த பல தகவல்கள் வெளிவந்து கொண்டிருக்கின்றன. ஆனால் இதுகுறித்த அதிகாரப்பூர்வ அறிவிப்பு எதுவும் வெளிவரவில்லை. சமீபத்தில் கூட உலகநாயகன் கமல்ஹாசன் வீடியோ ஒன்றை வெளியிட்டு வைரலானது குறிப்பிடத்தக்கதாகும். மேலும் பிக்பாஸ் சீசன் 4 வரும் அக்டோபர் 10 ஆம் தேதி முதல் ஒளிபரப்பாக உள்ளதாக தகவல்கள் வெளியாகியிருந்தது.
இந்த நிலையில் தற்போது உலகநாயகன் கமல்ஹாசன் தனது டுவிட்டர் பக்கத்தில் ‘சொன்னபடி கேளு, சொல்லறது பாஸ்’ உங்கள் நான் என்ற பதிவுடன் வீடியோ ஒன்றை வெளியிட்டுள்ளார். மேலும் அந்த வீடியோவில் கொரோனா விதிமுறைகளை மீறுவதை குறித்து நகைச்சுவையுடன் சில காட்சிகளும், பிக்பாஸ் நிகழ்ச்சியில் கமல்ஹாசன் தோன்றும் சில காட்சிகளும் இடம் பெற்றுள்ளது. மேலும் மூன்று வருடங்களாக பரிட்சியமான இந்த குரல் தற்போது உங்களுக்குள்ளே ஒலிக்க ஆரம்பித்து விட்டது, தப்பு என்றால் தட்டி கேட்பேன், நல்லது என்றால் தட்டி கொடுப்பேன் என்ற கமல் கூறுவதும் இடம்பெற்றுள்ளது. தற்போது இந்த வீடியோ சமூக வலைத்தளங்களில் மிகவும் வைரலாகி வருகிறது.
சொன்னபடி கேளு,
சொல்லுறது பாஸ்…….உங்கள் நான் pic.twitter.com/JndCrXcDrG
— Kamal Haasan (@ikamalhaasan) September 5, 2020
