நீண்ட நாட்களாக கிடப்பில் கிடந்த திரிஷாவின் ‘சதுரங்க வேட்டை 2’ ஓடிடியில் ரிலீஸ் செய்ய முடிவு செய்துள்ளதாக சில தகவல்கள் வெளியாகியுள்ளன.
கடந்த 2014ல் எச். வினோத் இயக்குநராக அறிமுகமான திரைப்படம் சதுரங்க வேட்டை. அதன் வெற்றியை தொடர்ந்து சதுரங்க வேட்டை படத்தின் இரண்டாம் பாகம் தயாரிக்கப்பட்டது. இந்த படத்தை விஜய் ஆண்டனியின் ‘சலீம்’ படத்தை இயக்கிய என். வி. நிர்மல் இயக்கியுள்ளார். நடிகர் மற்றும் தயாரிப்பாளரான மனோபாலா தயாரித்துள்ளார். நடிகை திரிஷா மற்றும் அரவிந்த் சாமி முக்கிய கதாபாத்திரத்தில் நடிக்க, அவர்களுடன் இணைந்து பிரகாஷ் ராஜ், நாசர் ஆகியோர் முக்கிய வேடங்களில் நடித்துள்ளனர்.
கடந்த 2017ம் ஆண்டு ரிலீஸ் செய்யவிருந்த இந்த படம் சில பொருளாதார பிரச்சினை காரணமாக தள்ளி வைக்கப்பட்டது. இந்த நிலையில் தற்போது இந்த படத்தை ஓடிடி பிளாட்பாரமான அமேசான் பிரேமில் வெளியிட முடிவு செய்துள்ளதாக தகவல்கள் வெளியாகியுள்ளன. விரைவில் இதனை குறித்த அதிகாரப்பூர்வ அறிவிப்பு வெளிவரும் என்று எதிர்பார்க்கப்படுகிறது.
