மகாராஷ்டிராவில் சம்ருத்தி விரைவுச்சாலையில் நடந்த சாலை விபத்துகளில் கடந்த டிசம்பர் மாதம் முதல் நேற்று பேருந்து தீப்பிடித்து எரிந்ததில் 25 பயணிகள் கருகி உயிரிழந்தது உட்பட இதுவரை 88 பேர் உயிரிழந்துள்ளனர்.
ஆறு வழிச்சாலை அகல அணுகல்-கட்டுப்படுத்தப்பட்ட அந்த விரைவுச்சாலையில் ஏற்படும் விபத்துக்களுக்கு சாலை ஹிப்னாஸிஸ் ஒரு காரணம் என்று மாநில நெடுஞ்சாலை போலீஸ் அதிகாரி தெரிவித்துள்ளார்.
கடந்த டிசம்பரில் இருந்து நாக்பூர்-மும்பை விரைவுச் சாலையில் மொத்தம் 39 விபத்துகள் நடந்துள்ளன. மேலும், இந்த அதிவேக நெடுஞ்சாலையில் 616 சிறிய விபத்துகளும், பெரிய விபத்துகள் நடந்துள்ளன, இதில் 656 பேர் கடுமையான மற்றும் சிறிய காயங்களுடன் உயிர் தப்பியுள்ளனர்.
அதிக வேகம், ஓட்டுநர்கள் உடல் அலுப்பு காரணமாக தூங்குவது மற்றும் டயர் வெடிப்பது போன்ற காரணங்களால் பெரும்பாலான விபத்துக்கள் ஏற்படுகின்றன. மேலும், சாலை ஹிப்னாஸிஸ் சிக்கலைச் சமாளிக்க நெடுஞ்சாலை காவல்துறை முயற்சித்து வருவதாக கூறப்படுகிறது.
மகாராஷ்டிரா முழுவதும், 2022 ஆம் ஆண்டில் சாலை விபத்துகளில் 15,224 பேர் உயிரிழந்துள்ளனர். நேற்று அதிகாலை புல்தானா மாவட்டத்தில் அதிவேக நெடுஞ்சாலையில் டிவைடரில் மோதியதில் அவர்கள் பயணித்த தனியார் பேருந்து தீப்பிடித்து எரிந்ததில் 25 பயணிகள் உடல் கருகி உயிரிழந்தனர்.
