சவுதி அரேபியாவின் அல்-நசர் கிளப், ரொனால்டோ அணியில் இணைவதற்கு முன் அவருக்கான மெடிக்கல் டெஸ்ட்டை அட்டவணையிட்டுள்ளதாக தகவல்.
கடந்த சில தினங்களுக்கு முன்பு சவுதி அரேபியாவின் அல்-நசர் கிளப், போர்ச்சுகல் அணியின் ரொனால்டோவை தங்கள் கிளப்பில் இணையுமாறு கேட்டுள்ளதாகவும் அதற்கு ரொனால்டோ, மறுத்துள்ளதாகவும் தகவல் வெளியானது. கிறிஸ்டியானோ ரொனால்டோ, தனது முந்தைய கிளப்பான மான்செஸ்டர் கிளப் அணியுடன் ஒப்பந்தத்தை முடித்துக்கொண்டார்.
இந்த நிலையில் அல்-நசர் கிளப், ரொனால்டோவிற்கான மருத்துவ பரிசோதனையை அட்டவணையிட்டுள்ளதாக தகவல்கள் தெரிவிக்கின்றன. இரண்டரை வருட ஒப்பந்தமாக ரொனால்டோ, 500 மில்லியன் யூரோக்களை (ஏறத்தாழ ₹4,200 கோடி) பெறுவார் என்றும், ஜனவரி மாதம் அல்-நசர் கிளப் ரொனால்டோவுடன் இந்த ஒப்பந்தத்தை இறுதி செய்யும் என்றும் தகவல்கள் வெளியாகியுள்ளது.
