#IPL BREAKING: ராணா, ரஸல் அதிரடியால் பஞ்சாபை வீழ்த்திய KKR..!

ஐபிஎல் தொடரின் இன்றைய KKR vs PBKS போட்டியில், கொல்கத்தா அணி 5 விக்கெட் வித்தியாசத்தில் வெற்றி பெற்றது.

16வது சீசன் ஐபிஎல் கிரிக்கெட் தொடரின் இன்றைய போட்டியில் கொல்கத்தா நைட் ரைடர்ஸ் மற்றும் பஞ்சாப் கிங்ஸ் அணிகள் கொல்கத்தாவில் உள்ள ஈடன் கார்டன்ஸ் மைதானத்தில் மோதுகின்றன. இந்த போட்டியில் டாஸ் வென்ற பஞ்சாப் அணி பேட்டிங்கை தேர்வு செய்தது.

இதன்படி, பஞ்சாப் அணியில் முதலில் களமிறங்கிய பிரப்சிம்ரன் சிங் 12 ரன்களில் ஆட்டமிழக்க, ஷிகர் தவான் பொறுப்பாக விளையாடி பவுண்டரிகளை பறக்கவிட்டு அரைசதம் கடந்தார். அவரையடுத்து களமிறங்கிய பஞ்சாப் அணியின் வீரர்கள் சொற்ப ரன்கள் குவித்து தங்களது விக்கெட்டை இழந்தனர். முடிவில், பஞ்சாப் அணி 20 ஓவர்களில் 7 விக்கெட்டுகளை இழந்து 179 ரன்கள் அடித்தது.

இதையடுத்து, 180 ரன்கள் அடித்தால் வெற்றி என்ற இலக்குடன் முதலில் கொல்கத்தா அணியில களமிறங்கிய ஜேசன் ராய் அதிரடியாக விளையாடி 38 ரன்கள் எடுத்து ஆட்டமிழக்க, குர்பாஸ் 15 ரன்களுக்கு தனது விக்கெட்டை இழந்தார். அதன்பின், கேப்டன் நிதிஷ் ராணா களமிறங்கிய நிலையில், பவுண்டரிகளை பறக்கவிட்டு அரைசதம் விளாசினார்.

பின்னர் ராணா, ராகுல் சாஹர் வீசிய பந்தில் ஆட்டமிழக்க, ரஸல் மற்றும் ரிங்கு சிங் களத்தில் நிற்க, 19 வது ஓவரில் ரஸல் 3 சிக்ஸர்களை அடித்து பறக்கவிட்டார். இறுதி ஓவரில் 6 ரன்கள் தேவைப்பட்ட நிலையில் ரஸல் 19.5 வது ஓவரில் 42 ரன்களுக்கு ஆட்டமிழக்க , கடைசி பந்தில் 2 ரன்கள் தேவைப்பட்டது. இந்த நிலையில் ரிங்கு சிங் பவுண்டரி அடித்து வெற்றி இலக்கை எட்டச்செய்தார்.

முடிவில், கொல்கத்தா அணி 20 ஓவர்களில் 5 விக்கெட்டுகளை இழந்து 182 ரன்கள் அடித்து வெற்றி இலக்கை எட்டியது. கொல்கத்தா அணியில் அதிகபட்சமாக, நிதிஷ் ராணா 51 ரன்களும், ஆண்ட்ரே ரஸ்ஸல் 42 ரன்களும், ஜேசன் ராய் 38 ரன்களும், ரிங்கு சிங் 21 ரன்களும் குவித்துள்ளனர். பஞ்சாப் அணியில் ராகுல் சாஹர் 2 விக்கெட்டுகளை வீழ்த்தியுள்ளார்.