கருடன் : இயக்குனர் துரை செந்தில் குமார் இயக்கத்தில் சூரி, சசிகுமார், உன்னி முகுந்தன் ஆகியோர் நடிப்பில் மிகப்பெரிய எதிர்பார்ப்புகளுக்கு மத்தியில் மே 31-ஆம் தேதி வெளியான திரைப்படம் ‘கருடன்’. இந்த திரைப்படத்திற்கு இசையமைப்பாளர் யுவன் சங்கர் ராஜா இசையமைத்து இருக்கிறார்.
கருடன் எனும் படத்தின் பெயருக்கு ஏற்றது போல படம் அருமையாக எடுக்கப்பட்டு இருப்பதால் படத்தினை பார்த்துவிட்டு மக்கள் பாராட்டி வருகிறார்கள். படத்தை பார்த்துவிட்டு மக்கள் பலரும் நடிகர் சூரியன் நடிப்பை பாராட்டி வருகிறார்கள். படம் பாசிட்டிவான விமர்சனங்கள் பெற்றுவருவதால் டிக்கெட் பதிவும் நாளுக்கு நாள் அதிகரித்து செல்கிறது.
படத்திற்கு பாசிட்டிவான விமர்சனங்கள் கிடைத்து வருவதால், வசூல் ரீதியாகவும், படத்திற்கு முதல் நாளில் நல்ல ஓப்பனிங் கிடைத்து இருக்கிறது. அதன்படி, கருடன் படம் வெளியான முதல் நாளில் உலகம் முழுவதும் மொத்தமாக 3 கோடி வசூல் செய்து இருப்பதாக தகவல்கள் வெளியாகியுள்ளது.
மேலும், இதற்கு முன்னதாக, சூரி நடிப்பில் வெளியான விடுதலை திரைப்படம் வெளியான முதல் நாளில் உலகம் முழுவதும் 3.85 கோடி வசூல் செய்து இருந்தது. அதனை தொடர்ந்து சூரி நடிப்பில் வெளியான கருடன் படம் வெளியான முதல் நாளில் உலகம் முழுவதும் வசூல் 3 கோடி செய்துள்ளது. இருப்பினும், விடுதலை படத்திற்கு கிடைத்ததை போல, கருடன் படத்திற்கும் பாசிட்டிவான விமர்சனங்கள் வருவதால் வரும் நாட்களில் இன்னுமே வசூல் அதிகரிக்கும் என கூறப்படுகிறது.