Categories: இந்தியா

பிரதமர் மோடி மீது டெல்லி காவல் நிலையத்தில் புகார்!

PM Modi : பிரச்சாரத்தின் போது வெறுப்பூட்டும் வகையில் பிரதமர் மோடி பேசியதாக கூறி அவர்  மீது மார்க்சிஸ்ட் கம்யூனிஸ்ட் கட்சி மூத்த தலைவர் பிருந்தா காரத் புகார் அளித்துள்ளார்.

கடந்த ஏப்ரல் மாதம் 19-ஆம் தேதி ராஜஸ்தான் மாநிலத்தில் உள்ள 25 மக்களவை தொகுதிகளில் 13 தொகுதிகளுக்கு முதற்கட்ட தேர்தல் வாக்குப்பதிவு நடந்து முடிந்தது. அதனை தொடர்ந்து மீதமுள்ள 12 தொகுதிகளுக்கும் வரும் ஏப்ரல் 26-ம் தேதி தேர்தல் வாக்குப்பதிவு நடைபெறவிருக்கிறது. இதன் காரணமாக பாஜக – காங்கிரஸ் நேரடியாக களமிறங்கும் ராஜஸ்தானில் தேர்தல் பிரச்சாரங்கள் மிகவும் தீவிரமாக நடைபெற்று வருகிறது.

பிரதமர் மோடியின் விமர்சன பேச்சு

பிரதமர் மோடி கடந்த ஞாயிற்று கிழமை ராஜஸ்தானில் பிரச்சாரம் செய்த போது பேசிய விதம் பெரிய அளவில் பேசும்பொருளாக வெடித்துள்ளது. அதில் பேசிய அவர் ” நாட்டில் உள்ள சொத்துக்களில் இஸ்லாமியர்களுக்கே முதல் அதிகாரம். காங்கிரஸ் கட்சி மக்கள் கஷ்டப்பட்டு சேர்த்த சொத்துக்களை அனைத்தும்  கணக்கு எடுத்து, அதிக குழந்தைகளை பெற்றவர்களுக்கு பகிர்ந்து அளிப்பார்கள் என்றும், பெண்கள் வைத்திருக்கும் தங்கத்தை கூட கணக்கிட்டு காங்கிரஸ் பிரித்து கொடுக்க முயல்கிறது என்று கடுமையாக விமர்சித்து பேசி இருந்தார்.

எழுந்த கண்டனங்கள்

பிரதமர் மோடி இப்படி பேசிய காரணத்தால்  நாம் தமிழர் கட்சி தலைவர் சீமான், விடுதலைச் சிறுத்தைகள் கட்சியின் தொல் திருமாவளவன், அதிமுக பொதுச்செயலாளர் எடப்பாடி பழனிச்சாமி உள்ளிட்ட  பல அரசியல் தலைவர்கள் தங்களுடைய  கண்டனங்களை தெரிவித்து வருகிறார்கள். மேலும், காங்கிரஸ் கட்சியின் முக்கிய தலைவர்களான சல்மான் குர்ஷித்,  குர்தீப் சத்பால் அபிஷேக் மனு சிங்வி, உள்ளிட்டோர் தேர்தல் ஆணையத்திற்கு நேரில் சென்று புகார் மனு அளித்திருந்தனர்.

பிரதமர் மோடி மீது புகார்

இந்த நிலையில், பிரதமர் மோடியின் பேச்சு இந்த அளவிற்கு பேசும்பொருளாகி இருக்கும் நிலையில், அவர் மீது டெல்லி மந்திர்மார் காவல் நிலையத்தில் மார்க்சிஸ்ட் கம்யூனிஸ்ட் கட்சி சார்பில் அந்த கட்சியினுடைய  மூத்த தலைவர் பிருந்தா காரத் புகார் ஒன்றை அளித்து இருக்கிறார். அந்த புகாரில் ” பிரதமர் பதவியில் இருக்கும் மோடி ஒரு சமூகத்திற்கு எதிராக வெறுப்பூட்டும் வகையில் பேசி இருப்பது தவறு. அவர் இப்படி பேசிய காரணத்தால் அவர் மீது குற்ற வழக்கு பதிவு செய்யவேண்டும் நடவடிக்கை எடுக்கவேண்டும்” என்று புகார் அளித்துள்ளார்.

I.N.D.I.A கூட்டணி மொத்தமும் பயத்தில் மூழ்கியுள்ளது.

பிரதமர் மோடி பேசிய இந்த விவகாரம் ஒரு பக்கம் போய் கொண்டு இருக்கும் நிலையில், பிரதமர் மோடி இன்று ராஜஸ்தானில் மதுப்பூரில் பேசும்போது ” நான் மக்கள் முன் சில உண்மைகளை கூறினேன். நான் கூறிய அந்த உண்மைகளினால் காங்கிரஸ் மற்றும் I.N.D.I.A கூட்டணி மொத்தமும் பயந்து இருக்கிறது.  மக்கள் சம்பாதித்த சொத்துக்களை அபகரித்து அவர்களின் சிறப்பு மக்களுக்குப் பங்கிட காங்கிரஸ் சதி செய்துகொண்டு இருக்கிறது.

நான் முன்னதாக பேசிய போது காங்கிரஸ் மற்றும் கூட்டணிகளின் அரசியலை நான் அம்பலப்படுத்திய காரணத்தால் ​​அவர்கள் கோபமடைந்து, என் மீது தவறான விமர்சனங்களை வைத்து கொண்டு வருகிறார்கள். நீங்கள் உருவாக்கிய கொள்கையை நீங்களே ஏற்க எதற்காக  பயப்படுகிறீர்கள்? உங்களுக்கு தைரியம் இருந்தால் அதனை ஏற்றுக்கொள்ளவேண்டும். இல்லையென்றால் அதன் விமர்சனங்களை எதிர்கொள்ள தயாராக இருக்க வேண்டும்” என்றும் கூறியிருந்தார் என்பது குறிப்பிடத்தக்கது.

பால முருகன்
நான் பாலா டிஜிட்டல் செய்தி ஊடகத்தின் மீது ஆர்வம் கொண்ட காரணத்தால் கடந்த 2 ஆண்டுகளாக தினச்சுவடு ஊடகத்தில் பணியாற்றி வருகிறேன். சினிமா செய்திகள், விளையாட்டு செய்திகள், க்ரைம் செய்திகள், ஆகியவற்றை தினச்சுவடுக்காக அளித்து வருகிறேன்.

Recent Posts

‘செட்டில் ஆகிவிட்டு அடிங்க ..’ ! டி20யின் மாற்றத்தை ஆராயும் ரிக்கி பாண்டிங் !

Ricky Ponting : தற்போது நடைபெறுகிற டி20 கிரிக்கெட் போட்டிகளின் மாற்றங்களை குறித்து ஆஸ்திரேலிய முன்னாள் கேப்டன் ரிக்கி பாண்டிங் பேட்டி ஒன்றில் பகிர்ந்து இருந்தார். ஆஸ்திரேலியா அணியின்…

2 hours ago

நெல்சனின் முதல் தயாரிப்பு.. வித்தியாசமான லுக்கில் கவின்.! கவனம் ஈர்க்கும் ப்ரோமோ வீடியோ!

Bloody Beggar Promo: நெல்சன், கவின் இணையும் படத்தின் ஜாலியான புரொமோ வீடியோவும், முதல் பார்வையும் இணையத்தை கலக்கிய வருகிறது. நடிகர் கவின் தற்போது ஸ்டார் படத்தில்…

2 hours ago

இந்தியாவை பின்னுக்கு தள்ளிய பேட் கம்மின்ஸ் ! ஐசிசி தரவரிசையில் ஆஸி. கிரிக்கெட் அணி நம்பர் 1 !!

ICC Ranking  : ஐசிசி டெஸ்ட் தரவரிசையில் இந்திய அணியை பின்னுக்கு தள்ளி ஆஸ்திரேலியா அணி நம்பர் 1 இடத்தில் முன்னேறி உள்ளது. ஐசிசி, தங்களது டெஸ்ட்…

2 hours ago

20 முறை ராகுல் காந்தியை முன்னிறுத்தி காங்கிரஸ் தோல்வி.! அமித்ஷா கடும் விமர்சனம்.!

Election Campaign : சோனியா காந்தி 20 முறை ராகுல் காந்தியை முன்னிறுத்தி தோல்வியடைந்துள்ளார் என அமித்ஷா விமர்சித்துள்ளார். இரண்டு கட்ட மக்களவை தேர்தல் நிறைவடைந்துள்ள நிலையில்,…

2 hours ago

வேட்டையன் படப்பிடிப்பில் கோட் சூட்டில் கலக்கும் சூப்பர் ஸ்டார்கள்! வைரல் க்ளிக்ஸ்…

Vettaiyan : ரஜினி, அமிதாப் பஜன் ஆகியோரின் வேட்டையன் படப்பிடிப்பு புகைப்படங்கள் வைரலாகி வருகிறது. இயக்குனர் டிஜே ஞானவேல் இயக்கத்தில் சூப்பர் ஸ்டார் ரஜினிகாந்த் நடிப்பில் உருவாகி வரும்…

3 hours ago

விஜய் மகன் இயக்கும் படத்தில் நடிக்கிறீங்களா? கவின் சொன்ன பதில்!!

Kavin : விஜய் மகன் ஜேசன் சஞ்சய் இயக்கும் படத்தில் தான் நடிக்கிறேனா இல்லையா என்பதற்க்கு கவின் விளக்கம் அளித்துள்ளார். தமிழ் சினிமாவில் முன்னணி நடிகராக வளர்ந்து…

3 hours ago