சர்வதேச கிரிக்கெட் கவுன்சில் (ஐசிசி) 2023 ஆம் ஆண்டிற்கான ஆடவர் ஒருநாள் அணியை அறிவித்துள்ளது. இந்த அணியில் இந்திய அணியின் கேப்டன் ரோஹித் சர்மா கேப்டனாக தேர்வு செய்யப்பட்டார். இரண்டு ஆஸ்திரேலியர்கள், இரண்டு தென்னாப்பிரிக்கர்கள் மற்றும் ஒரு நியூசிலாந்து வீரர் மற்றும் மொத்தம் ஆறு பேர் கொண்ட இந்திய வீரர்கள் இடம்பெற்றுள்ளனர்.
முதல் இடத்தில் ரோஹித் ஷர்மா, 2023 -ல் அவரது சிறந்த தலைமைத்துவம் மற்றும் பேட்டிங் செயல்திறன் காரணமாக இந்த அணிக்கு கேப்டனாக நியமிக்கப்பட்டுள்ளார். 2023 -ல் ரோஹித் சர்மா 1255 ரன்கள் குவித்தார். ஐசிசி உலகக்கோப்பையின் போது அவர் ஆப்கானிஸ்தானுக்கு எதிராக 131 ரன்கள் எடுத்தார். 2-வது இடத்தில் இந்திய தொடக்க வீரர் சுப்மான் கில் அணியில் இடம் பிடித்துள்ளார். கில் 2023-ல் 1584 ரன்கள் குவித்தார். இதில் நியூசிலாந்துக்கு எதிராக இரட்டை சதம் உட்பட ஐந்து சதங்கள் அடங்கும்.
INDvsENG : கே.எல்.ராகுல் கீப்பராக விளையாட மாட்டார் – ராகுல் டிராவிட்!
3-வது இடத்தில் டிராவிஸ் ஹெட் உள்ளார். அவர் 2023 இல் உலகக் கோப்பையின் முக்கியமான கட்டங்களில் சிறப்பாக விளையாடினார். 2023 உலகக்கோப்பையில் டிராவிஸ் ஹெட் அரையிறுதியில் ஒரு அரை சதம் மற்றும் இரண்டு விக்கெட்டுகள் உட்பட இறுதிப்போட்டியில் 137 ரன்கள் எடுத்து ஆஸ்திரேலியாவின் வெற்றிக்கு முக்கிய பங்கு வகித்தார்.
4-வது இடத்தில் இந்திய அணியின் நட்சத்திர வீரர் விராட் கோலி கடந்த ஆண்டு நிலையான ஆட்டத்தை வெளிப்படுத்தி, 6 சதங்கள் உட்பட மொத்தம் 1377 ரன்களைக் குவித்தார். உலகக்கோப்பையில் சச்சின் சாதனைகளை முறியடித்து, உலகக் கோப்பையில் ஆட்டநாயகன் விருதைப் பெற்றார். 11 போட்டிகளில் 765 ரன்களுடன் 2023 ஒருநாள் உலகக் கோப்பையில் அதிக ரன் எடுத்த வீரராக கோலி உருவெடுத்தார்.
டேரில் மிட்செல் 1204 ரன்களுடன் ஐந்தாவது இடத்தைப் பிடித்தார். ஹென்ரிச் கிளாசன், மூன்று சதங்கள் மற்றும் இரண்டு அரை சதங்களுடன், அணியில் விக்கெட் கீப்பராக உள்ளார். அதே நேரத்தில் மார்கோ ஜான்சன் பந்துவீச்சு ஆல்ரவுண்டராக ஒரு இடத்தைப் பிடித்துள்ளார். ஆடம் ஜம்பா 38 விக்கெட்டுகளுடன் ஒரு இடத்தைப் பிடித்துள்ளார்.
முகமது ஷமி உலகக்கோப்பையில் விளையாடிய 7 போட்டிகளில் 24 விக்கெட்டுகளை எடுத்தார். இதில் மூன்று 5 விக்கெட்டுகள் அடங்கும். இதில் நியூசிலாந்து அணிக்கு எதிராக அரையிறுதியில் அவர் 7 விக்கெட்டை வீழ்த்தினார். 2023ல் இந்தியாவின் முன்னணி வேகப்பந்து வீச்சாளர் முகமது சிராஜ், அவர் விளையாடிய 25 ஒருநாள் போட்டிகளில் மொத்தம் 44 விக்கெட்டுகளை வீழ்த்தினார். ஆசியக் கோப்பை இறுதிப் போட்டியில் இலங்கைக்கு எதிராக 6 விக்கெட்டை வீழ்த்தி கடந்த ஆண்டின் ஒருநாள் போட்டியில் அதிக விக்கெட்டுகளை வீழ்த்தியவர் சிராஜ் ஆவார்.
இந்திய ஏ அணியில் ரிங்கு சிங்.. பிசிசிஐ அறிவிப்பு..!
சுழற்பந்து வீச்சாளர் குல்தீப் 2023 ஆம் ஆண்டில் 49 விக்கெடுகளை வீழ்த்தினார். ஒருநாள் உலகக் கோப்பையில் குல்தீப் 11 போட்டிகளில் 15 விக்கெட்டுகளை கைப்பற்றினார்.
ஐசிசியின் 2023 ஆம் ஆண்டின் கனவு ஒருநாள் அணி:
ரோஹித் சர்மா (கேப்டன்), சுப்மான் கில், டிராவிஸ் ஹெட், விராட் கோலி, டேரில் மிட்செல், ஹென்ரிச் கிளாசென் (விக்கெட் கீப்பர்), மார்கோ ஜான்சன், ஆடம் ஜம்பா, முகமது சிராஜ், குல்தீப் யாதவ், முகமது ஷமி ஆகியோர் இடம் பெற்றுள்ளனர்.