ஒன் பிளஸ் ரசிகர்கள் பெரிதும் எதிர்பார்த்து காத்திருந்த, ஒன் பிளஸ் 12 சீரியஸ் (OnePlus 12 series) ஸ்மார்ட்போன்கள் இன்று இரவு இந்தியாவில் அறிமுகமாகிறது. அதன்படி, “Smooth Beyond Belief,” என்ற நிகழ்ச்சியில் ஒன் பிளஸ் நிறுவனத்தின் புதிய மாடலான OnePlus 12 மற்றும் OnePlus 12R ஆகிய இரண்டு ஸ்மார்ட்போன்கள் இந்தியாவில் இன்று இரவு அறிமுகம் செய்யப்பட உள்ளது. இந்த நிகழ்விற்கான அனுமதிச்சீட்டுகளை பெற்றவர்கள் புது தில்லியில் உள்ள பிரகதி மைதானத்தில் இருந்து இதனை கண்டுகளிக்கலாம், மற்றவர்கள் YouTube வழியாக அதை பார்க்கலாம்.
ஒன் பிளஸ் 12 சீரியஸின் எதிர்பார்க்கும் அம்சங்கள் மற்றும் விலை குறித்த விவரங்கள்:
ஒன்பிளஸ் 12: அறிமுகமாகவுள்ள புதிய OnePlus 12 மொபைலானது ஸ்னாப்டிராகன் 8 (Snapdragon 8 Gen-3) மூன்றாம் தலைமுறையில் இயங்கும். மேலும் 4வது Gen Hasselblad கேமரா அமைப்பு, 5,500 mAh பேட்டரி மற்றும் வயர்லெஸ் சார்ஜிங் போன்ற அம்சங்கள் இருக்கும் என எதிர்பார்க்கபடுகிறது.
மேலும், OnePlus 12 மொபைலானது 120Hz ரெஃப்ரெஷ் ரேட் உடன் 2K தெளிவுத்திறன் கொண்ட AMOLED டிஸ்பிளேவுடன் உள்ளது. OnePlus 12 நான்கு வருட அப்டெட்டுகளை பெறும் என்பதும் உறுதிப்படுத்தப்பட்டுள்ளது. இதன் விலை ரூ.70,000 வரை நிர்ணயம் செய்யப்படலாம் என கூறப்படுகிறது.
அடடா! வாட்ஸ்அப்பில் புளூடூத்தை பயன்படுத்தி 2GB வரை ஷேர் செய்யலாம்!
ஒன்பிளஸ் 12ஆர்: புதிய OnePlus 12R மொபைலானது இரண்டாம் தலைமுறை ஸ்னாப்டிராகன் 8 (Snapdragon 8 Gen 2 powered) மற்றும் LTPO 120Hz ProXDR டிஸ்பிளேவை கொண்டிருக்கும். இது சிறந்த வேகம் மற்றும் நுண்ணறிவுடன் அதன் ரெஃப்ரஷ் ரேட்டை அட்ஜஸ்ட் செய்யும் வகையில் ஸ்கிரீனுக்கு உதவுகிறது.
அதேபோல OnePlus 12R கொடுக்கப்படும் LTPO 4.0 டிஸ்பிளே டெக்னலாஜியானது பலவிதமான ரெஃப்ரஷ் ரேட் ஆப்ஷன்களை கொடுக்கிறது. இந்த டெக்னலாஜியானது மொபைலின் சிறந்த செயல்திறனை உறுதி செய்கிறது. OnePlus 12R ஸ்மார்ட் ஃபோன் 5,500mAh பேட்டரியை கொண்டிருக்கும் என்றும் கூறப்படுகிறது.
இந்த ஸ்மார்ட்போன்கள் நீலம் மற்றும் கருப்பு என 2 கலர் ஆப்ஷன்களில் வெளிவரும் என்றும் OnePlus 12R பிரீமியம் ஸ்மார்ட்போன் கார்னிங் கொரில்லா கிளாஸ் விக்டஸ் 2 ப்ரொட்டக்ஷனை கொண்டிருக்கலாம் எனவும் கூறப்படுகிறது. மேலும், இதில் Qualcomm Snapdragon 8 Gen 2 SoC ப்ராசஸர் இடம்பெறும் எனவும் எதிர்பார்க்கப்படுகிறது. இதன் விலை ரூ.50,000 வரை நிர்ணயம் செய்யப்படலாம் எனவும் தகவல் வெளியாகியுள்ளது.