நாளை முதல் அனைத்து அரசு அலுவலகங்களும் 50 % ஊழியர்களுடன் பணியாற்றலாம் !

நாளை முதல் (18-ஆம் தேதி ) அனைத்து அரசு அலுவலகங்களும் 50 சதவீத ஊழியர்களுடன் பணியாற்ற வேண்டும் என்று தமிழக அரசு அறிவித்துள்ளது.

இந்தியாவில் கொரோனா காரணமாக ஊரடங்கு உத்தரவு பிறப்பிக்கப்பட்டு உள்ளது.தற்போது மூன்றாம் கட்ட ஊரடங்கு அமலில் உள்ள நிலையில் சில தளர்வுகள் அளிக்கப்பட்டு உள்ளது. இதனிடையே தமிழக அரசு புதிய அறிவிப்பு ஒன்றை வெளியிட்டது.அதாவது, அனைத்து அரசு அலுவலகங்களிலும் ஊழியர்கள் வாரத்தில் 6 நாட்கள் பணியாற்றலாம் .நாளை முதல் (18-ஆம் தேதி ) அனைத்து அரசு அலுவலகங்களும் 50 சதவீத ஊழியர்களுடன் பணியாற்ற வேண்டும் .

அரசு அலுவலகங்களில் ஊழியர்களை 3 குழுக்களாக பிரித்து வாரத்தில் தலா 2 நாட்கள் வீதம் பணியாற்ற வேண்டும். தலைமைச் செயலகம் முதல் மாவட்ட அரசு அலுவலகம் வரை அனைத்து பணியாளர்களுக்கும் இந்த அறிவிப்பு பொருந்தும்.ஊழியர்களுக்கு  தேவையான போக்குவரத்து வசதி ஏற்படுத்தி தரப்படும் .அனைத்து அலுவலர்களும் பணிக்கு வர தயாராக இருக்க வேண்டும் என்று தெரிவிக்கப்பட்டுள்ளது.