நடிகை நந்திதா ஸ்வேதாவின் தந்தை காலமானார்.!

நடிகை நந்திதா ஸ்வேதாவின் தந்தை உடல் நலக்குறைவால் காலமானார்.

தமிழ் சினிமாவில் அட்டகத்தி, எதிர்நீச்சல், போன்ற திரைப்படங்களில் நடித்து மக்களுக்கு மத்தியில் மிகவும் பிரபலமாகி தற்போது முன்னணி நடிகையாக வலம்வருபவர் நடிகை நந்திதா ஸ்வேதா.

இவரது நடிப்பில் அடுத்ததாக ஐபிசி 376 என்ற திரைப்படம் வெளியாக உள்ளது. அவ்வப்போது தான் எடுக்கும் புகைப்படங்களை சமூக வலைதளபக்கங்களில் வெளியிட்டு ரசிகர்களை கவர்ந்து வருகிறார்.

இந்நிலையில், 54 வயதான நந்திதா தந்தை சிவசாமி என்பவர் உடல் நல குறைவால் காலமானார். இந்த சம்பவம் சோகத்தை ஏற்படுத்துள்ளது. இது குறித்து நந்திதா ஸ்வேதா தனது ட்வீட்டர் பக்க்கத்தில் “54 வயதான என் தந்தை திரு. சிவசாமி இன்று இறந்துவிட்டார் என்பதை என் நலம் விரும்பிகளுக்கு தெரிவித்துக் கொள்கிறேன். அவரின் ஆத்மா சாந்தியடையட்டும்” என வருத்ததுடன் தெரிவித்துள்ளார். நந்திதா ஸ்வேதாவின் தந்தை மறைவுக்கு சினிமா பிரபலங்கள் மற்றும் ரசிகர்கள் தங்களது இரங்கலை தெரிவித்து வருகிறார்கள்.