Delhi Rain [File Image]
டெல்லி: தென்மேற்கு பருவமழையானது மேற்கு, கிழக்கு ராஜஸ்தான், ஹரியானா மாநிலத்தின் சில பகுதிகள் மற்றும் டெல்லி மாநிலம் முழுவதும் தொடங்கியுள்ளது என இந்திய வானிலை ஆய்வு மையம் (IMD) தெரிவித்துள்ளது.
நேற்றிரவு பெய்ய தொடங்கிய கனமழையால் டெல்லி மாநகர் முழுவதும், பல்வேறு பகுதிகள் மழைநீரால் மூழ்கியுள்ளது. இன்று அதிகாலை 2.30 மணி முதல் 5.30 மணி வரையில் மூன்று மணி நேரத்தில் சுமார் 150 மில்லி மீட்டர் மழை பெய்துள்ளது என மழையளவு பதிவாகியுள்ளது. கடந்த 24 மணி நேரத்தில் 228 மில்லி மீட்டர் மழை பதிவாகியுள்ளது.
இந்த கனமழையின் காரணமாக டெல்லி விமான நிலையத்தின் டெர்மினல் 1 பகுதியில் மேற்கூரை இடிந்து விழுந்து உயிரிழப்புகளும் நேர்ந்தன. மேலும், டெல்லி விமான நிலையத்தில் விமான சேவைகளும் பாதிக்கப்பட்டுள்ளன.
டெல்லியில் பல்வேறு பகுதிகளில் மழை வெள்ளநீர் சூழ்ந்துள்ளதால் தாழ்வான பகுதிகளில் உள்ள வீடுகளில் மழை நீர் புகுந்துள்ளது. கனமழை காரணமாக விமான சேவை, ரயில் சேவை, டெல்லி மெட்ரோ சேவை ஆகிய பாதிக்கப்பட்டு உள்ளன.
குறிப்பாக டெல்லி மின்டோ பாலம், மூல்சந்த், வினோத் நகர் மற்றும் அரவிந்தோ சாலை போன்ற பகுதிகளில் தேங்கிய மழைநீரில் பல வாகனங்கள் நீரில் மூழ்கும் நிலை ஏற்பட்டுள்ளது. மிண்டோ பாலமானது, டெல்லி அரசால், மழைநீர் தேங்கும் ‘ஹாட் ஸ்பாட்’ பகுதி பட்டியலில் இருந்து அண்மையில் நீக்கப்பட்டு இருந்தது என்பது குறிப்பிடத்தக்கது. இது குறித்து பாஜகவினர் கடுமையாக விமர்சனம் செய்து வருகின்றனர்.
டெல்லி மேயர் ஷெல்லி ஓபராய் இந்த கனமழை பற்றி கூறுகையில், அதிகாரிகள் மழைநீர் தேங்கும் இடங்களை கண்டறிந்து, வெள்ளத்தைத் தடுக்க மீட்புப் பணிகளை மேற்கொண்டு வருவதாக குறிப்பிட்டார்.
மேலும் , கடந்த காலத்தை விட மீட்புப்பணிகள் விரைவாக தொடங்கப்பட்டுள்ளன. இது பருவமழையின் முதல் மழை. தற்போது மழைநீர் பாதிக்கப்பட்ட பகுதிகள் அடையாளம் காணப்பட்டுள்ளன. அனைத்து துறை அதிகாரிகளும் களப்பணியில் ஈடுபட்டுள்ளனர். பாதிப்பு ஏற்பட்ட அனைத்து இடங்களிலும் பணிகள் நடைபெற்று வருகின்றன என்று மேயர் ஓபராய் கூறினார்.
கனமழை மீட்பு நடவடிக்கைகள் குறித்து ஆலோசிக்க டெல்லி அரசு இன்று பிற்பகல் 2 மணிக்கு டெல்லி தலைமைச் செயலகத்தில் அவசரக் கூட்டத்தைக் கூட்டியுள்ளது. இக்கூட்டத்தில் அனைத்து அமைச்சர்களும், அனைத்து துறைகளைச் சேர்ந்த முக்கிய அதிகாரிகளும் கலந்து கொள்ளுமாறு அறிவுறுத்தப்பட்டுள்ளனர்.
நேற்று நள்ளிரவு தொடங்கிய பருவமலையானது இன்னும் சில தினங்கள் தொடரும் என்றும் இந்திய வானிலை ஆய்வு மையம் தெரிவித்துள்ளது குறிப்பிடத்தக்கது.
ZIMvIND : தற்போது நிறைவு பெற்ற இந்திய-ஜிம்பாவே அணி இடையேயான முதல் டி20 போட்டியில் ஜிம்பாப்வே அணி இந்திய அணியை வீழ்த்தி தொடரில் 1-0 என முன்னிலையில்…
சென்னை: மத்திய அரசின் புதிய குற்றவியல் சட்டத்திற்கு எதிராக திமுக சார்பில் சென்னையில் நடைபெற்ற உண்ணாவிரத போராட்டத்தில் அமைச்சர் துரைமுருகன் கலந்துகொண்டார். கடந்த ஆட்சியில் நிறைவேற்றம் செய்யப்பட்ட…
சுனில் கவாஸ்கர் : இந்திய அணியின் முன்னாள் வீரரான சுனில் கவாஸ்கர் சூரியகுமார் யாதவின் கேட்ச் சரி தான் என்று சமீபத்தில் அளித்த பேட்டி ஒன்றில் கூறி…
புதுக்கோட்டை : மாவட்டத்தில் தேசிய ஊரக நலவாழ்வு குழுமத்தின் (NRHM) கீழ் புதுக்கோட்டை மாவட்ட சித்த மருத்துவ அலுவலரின் கட்டுப்பாட்டின் கீழ் உள்ள ஆயுஷ் பிரிவுகளில் காலியாக…
நாம் வீடுகள் மற்றும் தொழிற்சாலைகளில் மேற்கூரை சோலார் பேனல்களை அமைக்க, எஸ்பிஐ வங்கி கடனுதவி வழங்குகிறது. அதற்கான தகுதிகள் மற்றும் எவ்வாறு பெற வேண்டும் என பார்க்கலாம்.…
மண்டி: ஹிமாச்சல் பிரதேசம் மாநிலத்தில் மண்டி IITயில் இசை மற்றும் இசை தெராபி படிப்புகள் அறிமுகம் செய்யப்பட்டுள்ளன. இத்திய தொழில்நுட்ப கழகங்கள் (IIT) பல்கலைக்கழகத்தில் பல்வேறு துறை…