மணிப்பூர் முதல்வருக்கு வாழ்த்து தெரிவித்த முதல்வர் மு.க.ஸ்டாலின்..!

by

தமிழக முதல்வர் மு.க.ஸ்டாலின் அவர்கள் மணிப்பூர் முதல்வர் பிரென் சிங் அவர்களுக்கு வாழ்த்து தெரிவித்து ட்வீட் செய்துள்ளார்.

உத்தர பிரதேசம், உத்தரகாண்ட், கோவா, மணிப்பூர் மற்றும் பஞ்சாப் ஆகிய மாநிலங்களில் சமீபத்தில் சட்டசபை தேர்தல் நடைபெற்றது. இந்த 5 மாநிலங்களில் 4 மாநிலங்களை பாஜக கைப்பற்றியது. பஞ்சாப்பில் காங்கிரஸ், பாஜகவை வீழ்த்தி ஆம் ஆத்மி வெற்றி பெற்றது.

மணிப்பூர் முதல்வர் தேர்வு 

இந்த நிலையில், பாஜக எம்.எல்.ஏக்கள் கூட்டத்தில், மணிப்பூர் மாநிலத்தின்  முதல்வராக பிரேன் சிங் அவர்கள் தேர்வு செய்யப்பட்டார். இதையடுத்து, மாநில கவர்னர் இல. கணேசனை பிரேன் சிங் சந்தித்து ஆட்சி அமைக்க உரிமை கோரினார்.

முதல்வராக பதவியேற்றார் பிரென் சிங் 

மணிப்பூர் மாநிலத்தின் முதல்வராக பிரென் சிங் இரண்டாவது முறை பதவியேற்றுள்ளார். இவருக்கு மாநில கவர்னர் இல. கணேசன் பதவி பிராமண செய்து வைத்துள்ளார். மணிப்பூர் முதல்வராக பதவியேற்றுள்ள பிரென் சிங் அவர்களுக்கு பலரும் வாழ்த்து தெரிவித்து வருகின்றனர்.

முதல்வர் மு.க.ஸ்டாலின் வாழ்த்து 

தமிழக முதல்வர் மு.க.ஸ்டாலின் அவர்கள் மணிப்பூர் முதல்வர் பிரென் சிங் அவர்களுக்கு வாழ்த்து தெரிவித்து ட்வீட் செய்துள்ளார். அந்த பதிவில், ‘மணிப்பூர் முதல்வராக இரண்டாவது முறையாக பதவியேற்றுள்ள பிரென் சிங் அவர்களுக்கும்,  அவரது அமைச்சரவைக்கும் வாழ்த்துகள்.’ என பதிவிட்டுள்ளார்.