ஜஸ்ட் மிஸ்!! ஸ்கூட்டி மீது வேகமாக மோதிய கார்.. தூக்கி வீசப்பட்ட இளைஞர்கள்.!

வைரல் வீடியோ : நாடு முழுவதும் நிகழும் சாலை விபத்துகள் சொல்லி தெரிய வேண்டியவை இல்லை. இந்த விபத்துக்களை தடுக்க நாம் சாலை விதிகளை கடைபிடித்தாலே போதுமானது. ஆனால், சிலரது அலட்சியத்தாலும், கவன குறைபாடலும் தினம் தினம் விபத்துகள் ஆங்காங்கே நடைபெற்று கொண்டே தான் இருக்கிறது.

தற்போது, பெங்களூரில் நடந்த சாலை விபத்து தொடர்புடைய வீடியோ ஒன்று இணையத்தில் வெளியாகி உள்ளது. அந்த வீடியோவில், ஆக்டிவா ஸ்கூட்டியில் வந்து கொண்டிருந்த இரு இளைஞர்கள், சாலையின் வலது பக்கத்தில்  வரவும், பின்னால் வேகமாக வந்த கியா கார் ஒன்று ஸ்கூட்டி மீது மோதியது. இதில் ஸ்கூட்டில் இருந்த இருவரும் தூக்கி வீசப்பட்டு காற்றில் பறந்து தரையில் விழுந்தனர்.

இந்த விபத்து நெஞ்சை பதற வைக்கிறது, இது லேசான விபத்து என்றாலும், கொஞ்சம் மிஸ் ஆனால்தால் உயிர் தப்பியது. இல்லையென்றால், நசுங்கி இருப்பார்கள். மேலும் இந்த விபத்து இது சாலைப் பாதுகாப்பின் முக்கியத்துவத்தை எடுத்துக்காட்டுகிறது.

இந்த வீடியோவைப் பகிர்ந்துகொண்டு பிரதீக் சிங் என்ற பயனர், “எனக்கு பின்னால் ஒரு பைக்கும் பைக்கின் பின்னால் ஒரு கியா காரும் இருந்தது. நான் சிக்னலில் நின்று கொண்டிருந்தேன். கியா கார் தனது ஃபோனில் இருந்ததால் சிக்னலைப் பார்க்கவில்லை. அவர் பைக்கை இடிக்க, பைக்கர் என் காரை முட்டி மோதினார். ஆனால் கார் மற்றும் பைக்கில் இருந்த அனைவரும் பாதுகாப்பாக உள்ளனர்” என்று குறிப்பிட்டு இருக்கிறார்.