ஆன்லைன் சூதாட்ட தடை சட்டத்திற்கு கையெழுத்திடாத ஆளுனருக்கு சாம்பலை அனுப்பி பெரியார் திராவிடர் கழகத்தினர் போராட்டம் நடத்தி வருகின்றனர்.
தமிழகத்தில் ஆன்லைன் சூதாட்ட மோகத்தால் பெருமளவு பணத்தை இழந்து மன உளைச்சலால் பலர் தற்கொலை செய்துகொண்டுள்னர். இதனை தடுக்க தமிழக அரசு , தமிழகத்தில் ஆன்லைன் சூதாட்டத்திற்கு தடை விதித்து முதலில் அவசர சட்டம் இயற்றியது.
ஆளுநர் ரவி :
அதற்கு ஆளுநர் ஆர்.என்.ரவி கையெழுத்திட்டார் . ஆனால்,அதன் பிறகு, முறையாக சட்டமன்றத்தில் நிறைவேற்றப்பட்ட சட்ட மசோதாவுக்கு மாத கணக்காகியும் இன்னும் கையெழுத்திடாமல் இருக்கிறார். இதற்கு ஆளும்கட்சி கட்சி பல்வேறு கட்சியினர் தங்கள் எதிர்ப்பை தெரிவித்து வருகின்றனர்.
சாம்பல் போராட்டம் :
இந்நிலையில், ஆன்லைன் சூதாட்ட தடை சட்ட மசோதாவுக்கு கையெழுத்திடாத ஆளுநர் ஆர்.என்.ரவிக்கு எதிராக தந்தை பெரியார் திராவிடர் கழகத்தினர் , ஆன்லைன் சூதாட்டத்தால் தற்கொலை செய்து கொண்டவர்களின் சாம்பலை ஆளுநருக்கு அனுப்பி வினோத முறையில் தங்கள் எதிர்ப்பை வெளிக்காட்டி வருகின்றனர்.