சன்ரைசர்ஸ் ஹைதராபாத் அணி நேற்று பஞ்சாப் அணிக்கு எதிராக நடைபெற்ற போட்டியில் வெற்றி பெற்றதன் மூலம் புள்ளி பட்டியலில் மூன்றாவது இடத்திற்கு சென்றுள்ளது.
ஐபிஎல் தொடர் தொடங்கி விறுவிறுப்பாக நடைபெற்று வரும் நிலையில் 22 போட்டிகள் முடிவடைந்த நிலையில் இன்று 23 வது போட்டியில் ராஜஸ்தான் ராயல்ஸ் அணி – டெல்லி கேப்பிட்டல்ஸ் அணியும் மோதி வருகிறது.
இந்த நிலையில் நேற்று 22 வது போட்டியில் கிங்ஸ் லெவன் பஞ்சாப் அணியும் சன்ரைசர்ஸ் ஹைதராபாத் அணியும் மோதியது. இந்த போட்டியில் சன்ரைசர்ஸ் ஹைதராபாத் அணி 69 ரன்கள் வித்தியாசத்தில் வெற்றி பெற்றது.
இதன் மூலமாக ஹைதராபாத் அணி புள்ளிபட்டியலில் 7 வது இடத்திலுருந்து மூன்றாவது இடத்திற்கு முன்னேறி சென்றுள்ளது. மேலும் முதலிடத்தில் மும்பை இந்தியன்ஸ் அணியும், இரண்டாவது இடத்தில் டெல்லி கேப்பிட்டல்ஸ் அணியும், நான்காவது இடத்தில் கொல்கத்தா நைட் ரைடர்ஸ் அணியும் உள்ளது.
மேலும் ராயல் சேலஞ்சர்ஸ் பெங்களூர் அணி ஐந்தாவது இடத்திலும் ஆறாவது இடத்தில் சென்னை சூப்பர் கிங்ஸ் அணியும், ஏழாவது இடத்தில் ராஜஸ்தான் ராயல்ஸ், அணியும் எட்டாவது இடத்தில் கிங்ஸ் லெவன் பஞ்சாப் அணியும் உள்ளது குறிப்பிடத்தக்கது.
இந்த நிலையில் இன்று நடைபெறும் இந்த போட்டியில் டெல்லி அணி வெற்றி பெற்றால் புள்ளிவிவரப் பட்டியலில் முதல் இடத்திற்கு செல்ல அதிக வாய்ப்புள்ளது குறிப்பிடத்தக்கது.
