உலக டெஸ்ட் சாம்பியன்ஷிப் பைனலில் ஆஸ்திரேலிய அணி உணவு இடைவேளை வரை நிதானமாக விளையாடி 73/2 ரன்கள் குவிப்பு.
இன்று லண்டன் ஓவல் மைதானத்தில் நடைபெற்று வரும் ஐசிசி உலக டெஸ்ட் சாம்பியன்ஷிப் இறுதிப்போட்டியில் டாஸ் வென்று இந்திய அணி முதலில் பந்துவீசி வருகிறது. இதன்படி ஆஸ்திரேலியா பேட்டிங்கை தொடங்கியது. ஆட்டம் தொடங்கிய சில நிமிடங்களிலேயே சிராஜ் பந்துவீச்சில் க்வாஜா டக் அவுட் ஆகி வெளியேறினார்.
அதன்பின் லபுஸ்சன் மற்றும் வார்னர் நிதானமாக விளையாடி ரன்கள் குவித்தனர். இருவரும் பொறுப்புடன் விளையாடி விக்கெட் விழாமல் ஆடிக்கொண்டிருந்தனர். வார்னர் உணவு இடைவேளைக்கு சற்று முன்பு 43 ரன்களில் தனது விக்கெட்டை இழந்தார்.
தற்போது உணவு இடைவேளை முடிவில் ஆஸ்திரேலியா 23 ஓவர்களில் 2 விக்கெட் இழப்புக்கு 73 ரன்கள் குவித்துள்ளது. லபுஸ்சன் 26* ரன்களுடனும், ஸ்மித் 2* ரன்களுடனும் களத்தில் நிற்கின்றனர்.