நடிகர் யாஷ் நடிப்பில் பிரமாண்டமாக உருவாகியுள்ள திரைப்படம் கேஜிஎப் -2. இந்த திரைப்படத்தை பிரசாத் நீல் இயக்கியுள்ளார். ஏற்கனவே இப்படத்தின் முதல் பாகத்தின் வெற்றியை தொடர்ந்து இரண்டாம் பாகம் உருவாகியுள்ளது.
இந்த திரைப்படம் வருகின்ற ஏப்ரல் 14-ஆம் தேதி உலகம் முழுவதும் பல மொழிகளில் திரையரங்குகளில் வெளியாகவுள்ளது. படத்திற்கான டிரைலர் கடந்த சில நாட்களுக்கு முன்பு வெளியாகி ரசிகர்களுக்கு மத்தியில் பலத்த வரவேற்பை பெற்று படத்தின் மீதுள்ள எதிர்பார்ப்பை அதிகமாக்கியது என்றே கூறலாம்.
இந்த படத்தின் தமிழக திரையரங்கு உரிமையை ட்ரீம் வாரியஸ் நிறுவனம் வாங்கியுள்ளது. இந்த நிலையில், தற்போது இந்த படம் தமிழகத்தில் மட்டும் எத்தனை திரையரங்குகளில் வெளியாகிறது என்பது குறித்த தகவல் கிடைத்துள்ளது.
அதன்படி, இந்த படம் தமிழகத்தில் மட்டும் 250 திரையரங்குகளில் வெளியாகவுள்ளது என கூறப்படுகிறது. ஏனெனில் விஜய் நடித்த பீஸ்ட் திரைப்படம் ஏப்ரல் 13-ஆம் தேதி வெளியாகிறது. பீஸ்ட் கிட்டத்தட்ட 800 திரையரங்குகளில் வெளியாகிறது என்பதால் கேஜிஎப் 250 திரையரங்குகளில் வெளியாகிறது குறிப்பிடத்தக்கது.