71 கிலோ எடைப்பிரிவு பளுதூக்கும் போட்டியில் இந்தியாவின் ஹர்ஜிந்தர் கவுர் வெண்கலப் பதக்கம் வென்றார்.
காமன்வெல்த் தொடரில் பெண்களுக்கான 71 கிலோ பளுதூக்குதல் போட்டியில் இந்திய வீராங்கனை ஹர்ஜிந்தர் கவுர் வெண்கலம் பதக்கம் வென்றார். இந்தியாவின் ஹர்ஜிந்தர் கவுர், பெண்களுக்கான 71 கிலோ பிரிவில் 212 கிலோ எடையை (ஸ்னாட்ச் 93, க்ளீன் அண்ட் ஜெர்க்கில் 119) தூக்கி வெண்கலப் பதக்கம் வென்றார்.
இதன் மூலம் இந்தியாவுக்கு 7வது பதக்கம் கிடைத்துள்ளது. இங்கிலாந்தின் சாரா டேவிஸ் 229 கிலோ எடை தூக்கி தங்கப் பதக்கத்தையும், கனடாவின் அலெக்சிஸ் ஆஷ்வொர்த் 214 கிலோ எடையுடன் வெள்ளிப் பதக்கத்தையும் வென்றனர். காமன்வெல்த் போட்டியில் இந்தியா இதுவரை 3 தங்கம், 2 வெள்ளி, 2 வெண்கலம் என 7 பதக்கங்களை வென்றுள்ளது.