குஜராத், இமாச்சலப்பிரதேச மாநில தேர்தலுக்கான தேர்தல் தேதியை இன்று அறிவிக்கிறது தேர்தல் ஆணையம்.
குஜராத் மற்றும் இமாச்சலப் பிரதேச மாநில சட்டப்பேரவை தேர்தலுக்கான தேதியை இன்று வெளியிட உள்ளதாக தலைமை தேர்தல் ஆணையம் அறிவித்துள்ளது. அதன்படி இன்று மாலை 3 மணிக்கு தேர்தல் தேதி அட்டவணையை டெல்லியில் தேர்தல் ஆணையம் வெளியிட உள்ளது. குஜராத்தில் உள்ள 182 சட்டப்பேரவை தொகுதிகள், இமாச்சலில் உள்ள 68 சட்டப்பேரவை தொகுதிகளுக்கு தேர்தல் நடைபெற உள்ளது.
டிசம்பர் மாதத்திற்குள் இரு மாநிலங்களுக்கும் சட்டப்பேரவை தேர்தல் நடத்தி முடிக்க வேண்டிய நிலையில் இன்று தேர்தல் தேதி அறிவிக்கப்படுகிறது. தேர்தல் தேதி அறிவிக்கப்பட்டதும் குஜராத், இமாச்சலப் பிரதேசத்தில் நன்னடத்தை விதிகள் உடனடியாக அமலுக்கு வரும் என்றும் கூறப்படுகிறது.