நடிகர் விஜய் நடித்துள்ள ‘வாரிசு’ திரைப்படம் பொங்கல் பண்டிகையை முன்னிட்டு வரும் ஜனவரி 11-ஆம் தேதி திரையரங்குகளில் வெளியாகவுள்ளது. வம்சி இயக்கத்தில் உருவாகியுள்ள இந்த படத்தை தில் ராஜு தயாரிக்க படத்திற்கு இசைமைப்பாளர் தமன் இசையமைத்துள்ளார்.
படத்திலிருந்து அணைத்து பாடல்கள் மற்றும் டிரைலர் என அனைத்தும் வெளியாகி ரசிகர்களுக்கு மத்தியில் பலத்த வரவேற்பை பெற்று படத்தின் மீதுள்ள எதிர்பார்ப்பை அதிகமாக்கியுள்ள நிலையில், படத்திற்கான டிக்கெட்கான முன் பதிவுகள் தொடங்கி விறு விறுப்பாக நடைபெற்று வருகிறது.
இதையும் படியுங்களேன்- உங்கள யாரும் அட்ஜஸ்ட்மென்ட்-க்கு கூப்பிட்டா இத பண்ணுங்க…பிக்பாஸ் நடிகை ஓபன் டாக்.!
படத்திற்கான முதல் நாள் முதல் காட்சி 4 மணிக்கு தொடங்கப்படவுள்ளது. மேலும், தமிழில் வெளியாவதை போல வாரிசு திரைப்படம் தெலுங்கிலும் ‘வாரசுடு’ என்ற பெயரில் வெளியாகவுள்ளது. முன்னதாக படம் தெலுங்கிலும் 11-ஆம் தேதி வெளியாகும் என கூறப்பட்டது.
ஆனால், தற்போது சில காரணங்களால், ‘வாரசுடு’ திரைப்படம் மூன்று நாட்கள் தள்ளி அதாவது ஜனவரி 14-ஆம் தேதி வெளியாகும் என படத்தின் தயாரிப்பு நிறுவனம் ஸ்ரீ வெங்கடேஸ்வரா கிரியேஷன்ஸ் அறிவித்துள்ளது. இதனால் தெலுங்கில் விஜய்க்கு இருக்கும் ரசிகர்கள் சற்று சோகத்தில் இருக்கிறார்கள்.