தங்கம் விலையில் நாளுக்கு நாள் ஏற்றம், இறக்கம் காணப்படுவதுண்டு. பெண்களை பொறுத்தவரையில் பெரும்பாலும் தங்களது முதஹலீடுகளை தங்கத்தில் தான் செலுத்துவதுண்டு. எனவே, தங்கம் விலையில் ஏற்படக்கூடிய மாற்றத்தை பெண்கள் உற்று கவனிப்பதுண்டு.
இந்தியா பொருளாதாரத்தில் உயர்ந்து வந்தாலும் அதன் சந்தை வர்த்தகங்கள் மற்றும் தங்கம், வெள்ளி விலை ஆனது அவ்வப்போது சரிந்தும் ஏற்றம் கண்டும் வருகிறது. அந்த வகையில், கடந்த வாரத்தில் இருந்தே தங்கம் விலை உச்சம் தொட்டு வருகிறது.
இந்த நிலையில், இந்த வாரம் தொடக்க நாளில் இருந்தும் அதிகரித்து வந்த தங்கம் விலை, இன்று சற்று குறைந்துள்ளதால் நகை பிரியர்கள் மகிழ்ச்சி அடைந்துள்ளனர். கடந்த 10 நாட்களில் ரூ.1000க்கும் மேல் அதிகரித்துள்ளது என்பது குறிப்பிடத்தக்கது.
சென்னையில் (24.11.2023) இன்று 22 கேரட் ஆபரணத் தங்கத்தின் விலை சவரனுக்கு ரூ.40 குறைந்து ரூ.45,880க்கும், கிராமுக்கு ரூ.5 குறைந்து ரூ.5,735க்கும் விற்பனையாகிறது. அதேபோல், வெள்ளி விலையில், எந்தவித மாற்றமின்றி கிராமுக்கு ரூ.79.20 க்கும், கிலோ வெள்ளி ரூ.200 அதிகரித்து ரூ.79,200க்கும் விற்பனையாகிறது.
நிர்மலா சீதாராமன் பக்தி என்ற பெயரில் பகல் வேஷம் போடுகிறார்.. முதலமைச்சர் ஸ்டாலின் விமர்சனம்!
(23.11.2023) நேற்றைய நிலவரப்படி, 22 கேரட் ஆபரணத் தங்கத்தின் விலை சவரனுக்கு ரூ.80 அதிகரித்து ரூ.45,920க்கும், கிராமுக்கு ரூ.10 அதிகரித்து ரூ.5,740க்கும் விற்பனையானது. அதேபோல், ஒரு கிராம் வெள்ளியின் விலை 20 காசு அதிகரித்து ரூ.79.20க்கும், கிலோ வெள்ளி ரூ.200 அதிகரித்து ரூ.79,200க்கும் விற்பனை செய்யப்பட்டது குறிப்பிடத்தக்கது.