ஒடிசா கடற்கரையில் ஆழ்ந்த காற்றழுத்த தாழ்வு…தமிழகத்தில் இடியுடன் கூடிய மழைக்கு வாய்ப்பு!!

வானிலை : மத்தியமேற்கு மற்றும் அதனை ஒட்டிய வடமேற்கு வங்கக்கடல் பகுதிகளில் நிலவிய காற்றழுத்த தாழ்வு பகுதி நேற்று (19.07.2024) காலை 5.30 மணியளவில் ஆழ்ந்த காற்றழுத்த தாழ்வு பகுதியாகவும், காலை 8.30 மணியளவில் காற்றழுத்த தாழ்வு மண்டலமாகவும் வழுபெற்று வடமேற்கு மற்றும் அதனை ஒட்டிய மத்தியமேற்கு வங்கக்கடல் பகுதிகளில் ஒரிசா மற்றும் வட ஆந்திர கடலோர பகுதிகளை ஒட்டி நிலவியது.

வங்காள விரிகுடாவில் உள்ள காற்றழுத்த தாழ்வு பகுதி ஜூலை 20 (இன்று) ஆம் தேதி இல் மையம் கொண்டு ஒடிசா கடற்கரையில் சிலிகா ஏரிக்கு அருகில் பூரிக்கு (ஒடிசா) தென்-தென்மேற்கே 40 கி.மீ. ஒடிசா & சத்தீஸ்கர் முழுவதும் மேற்கு-வடமேற்கு நோக்கி நகர்ந்து அடுத்த 24 மணி நேரத்தில் படிப்படியாக வலுவிழக்கும்.

இதன் காரணமாக ஆந்திரா, வட தமிழகம், அசாம் & மேகாலயா மற்றும் விதர்பா (கட்சிரோலி, கோண்டியா, யவத்மால், அமராவதி), மராத்வாடா, கொங்கன், கேரளா, கர்நாடகா, ஆகிய இடங்களில் இடியுடன் கூடிய மழை பெய்யும். சில இடங்களில் மின்னலுடன் கூடிய  லேசானது முதல் மிதமான மழை பெய்ய வாய்ப்பு உள்ளது.

அதைப்போல,  விதர்பா (பண்டாரா, சந்திராபூர், நாக்பூர் & வார்தா), தெலுங்கானா, தெற்கு மத்தியப் பிரதேசம், சௌராஷ்டிரா & கட்ச், தெற்கு ஒடிசா ஆகிய இடங்களில் மிக அதிக வாய்ப்பு உள்ளது எனவும் இந்திய வானிலை ஆய்வு மையம் தகவல் தெரிவித்துள்ளது.

மேலும்,  தமிழ்நாட்டில் இன்று ஓரிரு இடங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தகவல் தெரிவித்துள்ளது. தமிழ்நாடு மற்றும் புதுச்சேரியில் இன்று முதல் 7 நாட்களுக்கு மிதமான மழை பெய்யும் எனவும் தகவல் தெரிவிக்கப்பட்டுள்ளது.