மருத்துவமனை படுக்கையில் தூங்கும் நாய்! வைரலாகும் வீடியோ..

மத்திய பிரதேசத்தில் மருத்துவமனை படுக்கையில் தூங்கும் நாயின் வீடியோ வைரலானது.

மத்தியப் பிரதேச மாநிலம் ரத்லமில் மருத்துவமனை படுக்கையில் நாய் ஒன்று தூங்கும் வீடியோ வெள்ளிக்கிழமை(செப் 16) சமூக ஊடகங்களில் வைரலானது.

இது மாநிலத்தில் உள்ள “கவலைக்குரிய சுகாதார அமைப்பு” என பாரதிய ஜனதா கட்சியை காங்கிரஸ் கண்டித்துள்ளது.

மேலும் ரத்லாம் தலைமை மருத்துவ மற்றும் சுகாதார அதிகாரி டாக்டர் பிரபாகர் நானாவரே கூறுகையில், அவர் விடுமுறையில் இருந்ததால் இந்த சம்பவம் குறித்து தனக்கு தெரியாது என அலட்சியமாக பதிலளித்துள்ளார்.

மத்தியப் பிரதேச காங்கிரஸ் செய்தித் தொடர்பாளர் நரேந்திர சலுஜா ஒரு ட்வீட்டில், பாஜக ஆட்சியின் கீழ் மாநிலத்தில் நாய்கள் நன்றாக தூங்குகின்றன, அதே நேரத்தில் நோயாளிகள் மருத்துவமனைகளில் படுக்கைகள் இல்லாமல் அலைகின்றனர் என பதிவிட்டுள்ளார்.