அடி தூள்.! 400 கோடி வசூல் செய்து புதிய சாதனை படைத்த விக்ரம்.!

இயக்குனர் லோகேஷ் கனகராஜ் இயக்கத்தில் நடிகர்கள் கமல்ஹாசன், விஜய்சேதுபதி, பஹத் பாசில் ஆகியோர் நடிப்பில் கடந்த ஜூன் 3-ஆம் தேதி வெளியான திரைப்படம் “விக்ரம்”. இந்த படத்தை ராஜ் கமல் நிறுவனம் தயாரித்துள்ளது. படத்திற்கு இசையமைப்பாளர் அனிருத் இசையமைத்திருந்தார்.

அதிரடி ஆக்சன் காட்சிகளை கொண்ட இந்த படம் ரசிகர்களுக்கு மத்தியில் பலத்த வரவேற்பை பெற்று வருகிறது. போதை பொருள் கடத்தலை மையமாக வைத்து இந்த திரைப்படம் எடுக்கப்பட்டுள்ளது. படத்தில் வரும் காட்சிகள், பின்னணி இசை என ரசிகர்களை வெகுவாக ஈர்த்துவிட்டது.

படம் வெளியாகி 25 நாட்கள் மேலாகியும் படத்தை பார்க்க இப்போது வரை மக்கள் கூட்டம் பெண்கள், குழந்தைகள், குடும்பங்கள் என இரவு காட்சியிலும் கூட்டம் கூட்டமாக படத்தை பார்க்க சென்று கொண்டு தான் இருக்கிறார்கள். வசூலிலும் படம் பல சாதனைகளை புடைத்திருந்தது. தமிழகத்தில் மட்டும் படம் 160 கோடிக்கு மேல் வசூல் செய்து புதிய சாதனையை படைத்துள்ளது.

இந்த நிலையில், படம் வெளியான நாளிலிருந்து தற்போது வரை உலகம் முழுவதும் எத்தனை கோடி வசூல் செய்துள்ளது என்ற தகவல் கிடைத்துள்ளது. அதன்படி, படம் உலகம் முழுவதும் 400 கோடி வசூல் செய்துள்ளதாக கூறப்படுகிறது. தமிழ் சினிமாவில், அதிகம் வசூல் செய்த படங்களின் பட்டியலில் 2-வது இடத்தை பிடித்துள்ளது.

முதல் இடத்தில் ரஜினி நடிப்பில் வெளியான 2.0 படம் உள்ளது, இரண்டாவது இடத்தில் விஜயின் பிகில் படம் இருந்த நிலையில், தற்போது விக்ரம் படம் 400 கோடி வசூல் செய்து பிகில் படத்தின் வசூலை பின்னுக்கு தள்ளி இரண்டாவது இடத்தை பிடித்துள்ளது.

author avatar
பால முருகன்
நான் பாலா டிஜிட்டல் செய்தி ஊடகத்தின் மீது ஆர்வம் கொண்ட காரணத்தால் கடந்த 2 ஆண்டுகளாக தினச்சுவடு ஊடகத்தில் பணியாற்றி வருகிறேன். சினிமா செய்திகள், விளையாட்டு செய்திகள், க்ரைம் செய்திகள், ஆகியவற்றை தினச்சுவடுக்காக அளித்து வருகிறேன்.

Leave a Comment