“சார்பட்டா பரம்பரை” படக் குழுவினரை பாராட்டிய உலகநாயகன் கமல்ஹாசன்.!

நடிகர் கமல்ஹாசன் பா.ரஞ்சித்தின் சார்பட்டா பரம்பரை திரைப்படம் பார்த்துவிட்டு, படக்குழுவினரை பாராட்டினார்

இயக்குனர் பா.ரஞ்சித் இயக்கத்தில் நடிகர் ஆர்யா நடிப்பில் கடந்த ஜூலை 22-ஆம் தேதி அமேசான் பிரேமில் வெளியான திரைப்படம் சார்பட்டா பரம்பரை. இந்த படத்தில் ஆர்யாவிற்கு ஜோடியாக நடிகை துஷ்ரா விஜயன் நடித்திருந்தார். கலையரசன், பசுபதி, ஜான், ஷபீர் கல்லரக்கல் போன்ற பல பிரபலங்கள் முக்கியமான கதாபாத்திரத்தில் நடித்துள்ளனர்.

இந்த திரைப்படத்திற்கு இசையமைப்பாளர் சந்தோஷ் நாராயணன் இசையமைத்துள்ளார். இந்நிலையில், அமேசான் பிரேமில் வெளியான இந்த திரைப்படத்தை ரசிகர்கள் மற்றும் சினிமா பிரபலங்கள் தங்களது கருத்துக்களை கூறி வருகிறார்கள்.

அந்த வகையில், நடிகர் கமல்ஹாசன் சார்பட்டா படத்தை பார்த்துவிட்டு இயக்குனர் பா.ரஞ்சித் தலைமையிலான படக்குழுவினரை அழைத்து நேரில் தனது பாராட்டுக்களையும், வாழ்த்துகளையும் தெரிவித்துள்ளார். மேலும், இயக்குனர் பா.ரஞ்சித் நீலம் மாத இதழை கமல்ஹாசனுக்கு வழங்கினார். அதற்கான புகைப்படங்கள் சமூக வலைத்தளத்தில் வைரலாகி வருகிறது.