அமெரிக்காவில் துணை அதிபர் பதவிக்கு போட்டியிட இந்திய வம்சாவளி பெண் தேர்வு.!

அமெரிக்காவில் வருகின்ற நவம்பர் மாதம் அதிபர் தேர்தல் நடைபெறவுள்ளது. அதிபர் பதவிக்கு குடியரசு கட்சி சார்பில் தற்போதைய அதிபர்  ட்ரம்ப் போட்டியிடுகிறார். ஜனநாயகக் கட்சி சார்பில், முன்னாள் துணை அதிபர் ஜோ பிடன் போட்டியிடுகிறார்.  அதேநேரத்தில் துணை அதிபருக்கான தேர்வும் நடைபெறவுள்ளது.

இதனால், துணை அதிபர் பதவிக்கு தற்போதைய துணை அதிபர் மைக் பென்ஸ் போட்டியிட உள்ளார்.  இந்நிலையில், துணை அதிபர் பதவிக்கு ஜனநாயக கட்சியின் சார்பில் இந்திய வம்சாவளியை சேர்ந்த கமலா ஹாரீஸ்  துணை போட்டியிட தேர்வு செய்யப்பட்டதாக  ஜோ பிடன் அறிவித்துள்ளார்.

கமலா ஹாரீஸ் வெற்றி பெற்றால் துணை அதிபராகும் முதல் பெண் என்ற பெருமையை பெறுவார். மேலும் துணை அதிபராக முதல் இந்திய- அமெரிக்க -ஆஃப்பிரிக்க பெண்ணாகவும் இவர் இருப்பார். கமலா ஹாரீஸ்  தாய் சியாமளா கோபாலன் சென்னையை சேர்ந்தவர். தந்தை ஜமைக்காவை சேர்ந்தவர். கடந்த 2016-ஆம் ஆண்டு கலிபோர்னியா மாகாணத்தில் இருந்து செனட் சபைக்கு தேர்வு செய்யப்பட்டார்.

அமெரிக்க செனட் சபைக்கு தேர்வு பெற்ற முதல் இந்திய வம்சாவளிப் பெண் என்ற பெருமையும் ஏற்கனவே இவருக்கு கிடைத்துள்ளது என்பது குறிப்பிடத்தக்கது.