இந்தியாவை பாராட்டிய WHO தலைவர்! காரணம் இதுதானா?

உலக சுகாதார அமைப்பின் தலைவர் டெட்ரோஸ் அதானோம் இந்தியாவிற்கு பாராட்டுகளை தெரிவித்துள்ளார். 

இந்தியா முழுவதும் கொரோனா வைரஸ் தீவிரமாக பரவி வருகிற நிலையில் இதனை கட்டுப்படுத்த அரசு பல முன்னெச்சரிக்கை நடவடிக்கைகளை மேற்கொண்டு வருகிறது. இருப்பினும் இந்த வைரஸால் பாதிக்கப்படுவோரின் எண்ணிக்கையும், உயிரிழப்போரின் எண்ணிக்கையும் நாளுக்கு நாள் அதிகரித்த வண்ணம் தான் உள்ளது.

இந்நிலையில், கொரோனா வைரஸ் தொற்று பரவலை எளிதில் அடையாளம் காணும் வகையில், தொழில்நுட்பத்தின் உதவியைக் கொண்டு, ஆரோக்யா சேது என்ற செயலி அறிமுகப்படுத்தப்பட்டது. இந்த செயலியானது, நம்மைச் சுற்றியுள்ள பகுதியில், நம்மோடு தொடர்புடைய நபர்களுக்கு கொரோனா தொற்று இருக்கிறதா என்பதை தெரிந்துகொள்ள உதவுகிறது.

இந்நிலையில், இந்தியாவில் இந்த செயலியை 150 மில்லியன் மக்கள் பதிவிறக்கம் செய்துள்ளதையடுத்து, உலக சுகாதார அமைப்பின் தலைவர் டெட்ரோஸ் அதானோம் இந்தியாவிற்கு பாராட்டுகளை தெரிவித்துள்ளார்.