தளபதி-65 படத்தின் படப்பிடிப்பு எங்கே? எப்போது? பிளான் போடும் ‘தளபதி 65’ டீம்.!

ஏப்ரல் மாதம் முதல் தொடங்கவுள்ள தளபதி-65 படத்தின் படப்பிடிப்பு திட்டங்கள் குறித்த தகவல்கள் வெளியாகியுள்ளன.

தளபதி விஜய் மாஸ்டர் படத்தின் பிளாக் பஸ்டர் வெற்றியை தொடர்ந்து கோலமாவு கோகிலா, டாக்டர் உள்ளிட்ட படங்களை இயக்கிய நெல்சன் திலீப்குமார் இயக்கத்தில் உருவாகும் தனது 65-வது படத்தில் நடிக்கவுள்ளார்.

சன் பிக்சர்ஸ் நிறுவனம் தயாரிக்கும் இந்தப் படத்திற்கு அனிருத் அவர்கள் இசையமைக்கவுள்ளார் . மேலும் நடன இயக்குனராக ஜானி மாஸ்டர் பணியாற்ற உள்ளார் . மேலும் தளபதி-65 படத்தின் ஒளிப்பதிவாளராக மனோஜ் பரமஹம்சா பணியாற்ற உள்ளதாக அவரே அதிகாரப்பூர்வமாக தனது டுவிட்டர் பக்கத்தில் அறிவித்திருந்தார்.

மேலும் ‘தளபதி65’ படத்தில் பிரபல காமெடி நடிகர்களான யோகி பாபு மற்றும்VTV கணேஷ் ஆகியோரும் இணைய உள்ளதாக தகவல்கள் வெளியாகியிருந்தது.மேலும் தளபதி 65 படத்தில் விஜய்க்கு ஜோடியாக பூஜா ஹெக்டே அல்லது ரஷ்மிகா மந்தானா நடிக்க உள்ளதாக தகவல்கள் வெளியாகியிருந்தது.ஆனால் இதுவரை எந்த அதிகாரப்பூர்வ அறிவிப்பும் வெளியாகவில்லை.

ஏப்ரல் மாதம் முதல் தொடங்கவிருக்கும் தளபதி-65 படத்தின் படப்பிடிப்பு திட்டங்கள் குறித்த தகவல்கள் வெளியாகியுள்ளன.அதாவது ஏப்ரல் மாதம் முதல் தொடங்கவிருக்கும் தளபதி-65 படத்தின் முதல் கட்ட படப்பிடிப்பை சென்னையில் நடத்த படக்குழுவினர் முடிவு செய்துள்ளதாகவும் ,அதன் பின் இரண்டாம் கட்ட படப்பிடிப்பை மும்பையில் நடத்த திட்டமிடப்பட்டுள்ளதாகவும் தகவல்கள் வெளியாகியுள்ளன.மேலும் இந்த படத்தில் கார் சேஸிங் சீன்கள் உள்ளதாக கூறப்பட்ட நிலையில் அதற்கான படப்பிடிப்பை மும்பையில் நடத்த உள்ளதாகவும் தகவல்கள் வெளியாகியுள்ளன.