வெஸ்ட் இண்டீஸ் அணி 146 ரன்கள்!பந்துவீச்சில் அசத்திய சாகர் ,சைனி

இந்தியா- வெஸ்ட் இண்டீஸ் இடையிலான மூன்றாவது டி20 போட்டி கயானாவில் உள்ள பிராவிடன்ஸ் மைதானத்தில் நடைபெற்று வருகிறது. இப்போட்டியில் டாஸ் வென்ற இந்திய அணி கேப்டன் விராட் கோலி பந்து வீச முடிவு செய்தார்.

இதனையடுத்து பேட்டிங்கை தொடங்கிய வெஸ்ட் இண்டீஸ் அணிக்கு தொடக்கமே அதிர்ச்சியாக இருந்தது.அந்த அணியின் டாப் ஆர்டர் பேட்ஸ்மேன்கள் சொற்ப ரன்களில் ஆட்டமிழந்தனர்.லூயிஸ் 10 ரன்கள்,சுனில் 2 ரன்கள்,ஹெட்மேயர் 1 ரன்னில் விக்கெட்டை பறிகொடுத்தார்கள்.வெஸ்ட் இண்டீஸ் அணியில் பொல்லார்ட் மட்டும் ஓரளவு தாக்கு பிடித்து 58 ரன்கள் அடித்தார்.பின்னர் பூரன் (17 ரன்கள் ),ப்ரத்வேய்ட்  (10 ரன்கள் ) நடையை கட்டினார்கள். பவல் களத்தில் இருந்து 32 ரன்கள் அடித்தார்.

இறுதியாக வெஸ்ட் இண்டீஸ் அணி 20 ஓவர்கள் முடிவில் 6 விக்கெட்டை இழந்து 146 ரன்கள் அடித்தது.இந்திய அணியின் பந்துவீச்சில் சாகர் 3 விக்கெட்டுகள் ,சைனி 2 விக்கெட்டுகள் வீழ்த்தினார்.பின்னர்  இந்திய அணி 147 ரன்கள் அடித்தால் வெற்றி  இலக்குடன் களமிறங்கவுள்ளது.