நாம் தொடர்ந்து நெருக்கமாக பணியாற்றுவோம்.! மோடிக்கு ரஷ்ய அதிபர் விளாடிமிர் புதின் வாழ்த்து.!

மோடிக்கு பிறந்த நாள் வாழ்த்து செய்தி வெளியிட்டுள்ளார் ரஷ்ய அதிபர் விளாடிமிர் புதின்.!

பிரதமர் நரேந்திர மோடியின் 70-வது பிறந்த நாளை இன்று அவர் கொண்டாடி வருகிறார். இன்று தனது பிறந்தநாளை கொண்டாடும் நிலையில் அவருக்கு நாடு முழுவதும் வாழ்த்துக்கள் குவிந்து வருகிறது. மேலும் பல்வேறு அரசியல் கட்சி தலைவர்களும், பிரபலங்களும் அவருக்கு வாழ்த்து தெரிவித்து வருகின்றனர்.

அந்த வகையில், பிரதமர் மோடிக்கு, ரஷ்ய அதிபர் விளாடிமிர் புதின் பிறந்தநாள் வாழ்த்து தெரிவித்துள்ளார். அவர் வெளியிட்டுள்ள அறிவிப்பில், பிறந்தநாளுக்கு எனது மனமார்ந்த வாழ்த்துக்களை தயவுசெய்து ஏற்றுக்கொள்ளுங்கள் என்றும் உங்கள் தலைமையின் கீழ் இந்தியா சமூக-பொருளாதாரம், அறிவியல் மற்றும் தொழில்நுட்ப வளர்ச்சியின் பாதையில் வெற்றிகரமாக நகர்கிறது.

நட்பு உறவுகளை நான் மதிக்கிறேன். உங்களுடன் ஆக்கபூர்வமான உரையாடலைத் தொடரவும், இருதரப்பு மற்றும் சர்வதேச நிகழ்ச்சியில் தலைப்பு சார்ந்த விடயங்களில் நெருக்கமாக ஒன்றிணைந்து செயல்படவும் நான் எதிர்நோக்குகிறேன். தாங்கள் நல்ல ஆரோக்கியம், மகிழ்ச்சி மற்றும் நல்வாழ்வுடன் வாழ வாழ்த்துகிறேன். மேலும் நமது இரு நாடுகளுக்கும் இடையிலான உறவை மேலும் வலுப்படுத்த நாம் தொடர்ந்து நெருக்கமாக பணியாற்றுவோம் என்று கூறியுள்ளார்.