ஜோதிகா கூறிய கருத்தில் உறுதியாக இருக்கிறோம்.! – சூர்யா விளக்கம்.!

ஜோதிகா கூறிய கருத்துகளுக்கு ஆதரவும், எதிர்ப்பும் வந்த நிலையில் அதற்க்கு விளக்கம் அளித்து நடிகர் சூர்யா அறிக்கை ஒன்றை வெளியிட்டுள்ளார்.

நடிகை ஜோதிகா சில மாதங்களுக்கு முன்பு ஒரு விழா நிகழ்ச்சியில் கலந்துகொண்டு பேசுகையில், கோவில்களை புதுப்பிக்க செலவு செய்கிறீர்கள் அந்த காசை பள்ளி கூடம், மருத்துவமனை கட்டுவதற்கு செலவிடுங்கள் என கூறியிருந்தார்.

இந்த கருத்துக்கு ஆதரவும், எதிர்ப்பும் எழுந்தது. இணையத்தில் விவாத பொருளாகவும் மாறியது. இந்த சர்ச்சை குறித்து, ஜோதிகாவின் கணவரும் நடிகருமான சூர்யா விளக்கம் தெரிவித்து அறிக்கை வெளியிட்டுள்ளார்.

அந்த அறிக்கையில், கோவில்களை போலவே பள்ளிக்கூடத்தையும், மருத்துவமனைகளையும் ஒன்றாக கருத வேண்டும். என்கிற ஜோதிகாவின் கருத்தை சிலர் தவறாக பதிவிட பார்க்கிறார்கள். விவேகானந்தர், திருமூலர் போன்ற அறிஞர்கள் கூறிய கருத்துக்களை காதுகொடுத்து கேட்காதர்வர்களுக்கு இது தெரிந்திருக்க வாய்ப்பில்லை.

பள்ளிகளையும், மருத்துவமனைகளையும் இறைவன் வாழும் உறைவிடமாக கருத வேண்டும். என்கிற கருத்தை அனைத்து மதத்தினரும் ஏற்கத்தான் செய்கிறார்கள் என அந்த அறிக்கையில் விளக்கமளித்துள்ளார்.

மேலும், ஜோதிகாவின் கருத்துக்கு ஆதரவு தெரிவித்த அனைவர்க்கும் நன்றி எனவும் அதில் குறிப்பிடப்பட்டிருந்தது.