“உங்கள் வாக்குதான் உங்கள் வாழ்க்கையை தீர்மானிக்கும்” – கமலா ஹாரிஸ்

அமெரிக்கத் தேர்தல் 2020: உங்கள் வாக்குதான் உங்கள் வாழ்க்கையை தீர்மானிக்கும் என்று கமலா ஹாரிஸ் கூறியுள்ளார்.

அமெரிக்காவில் அதிபர் தேர்தல் நெருங்கவுள்ள நிலையில், தேர்தல் பணிகள் விறுவிறுப்பாக நடைபெற்று வருகிறது. இந்த தேர்தலில் முக்கியமாக இரண்டு கட்சிகள் கருதப்படுகிறது. அமெரிக்காவில் தேர்தல் தொடங்கும் முன்னே, அதிபர் வேட்பாளர்களுக்கிடையே நேருக்கு நேர் விவாதங்கள் நடைபெறுவது வழக்கம்.

அதன்படி, டொனால்ட் டிரம்ப் மற்றும் ஜோ பைடன் இடையே விவாதம் நடைபெற்று முடிந்த நிலையில், அமெரிக்க துணை அதிபர் வேட்பாளர்கள் கமலா ஹாரிஸ், மைக் பென்ஸ் நேருக்கு நேர் விவாதம் நடைபெற்றது.

இதில், ஜனநாயக கட்சியின் துணை அதிபர் வேட்பாளர் கமலா ஹாரிஸ் பேசுகையில், கொரோனாவை வெள்ளை மாளிகை எதிர்கொண்ட விதம் சரி இல்லை. கொரேனாவிற்கு 70 லட்சத்திற்கும் மேற்பட்டவர்கள் பாதிக்கப்பட்டுள்ளனர் டிரம்ப் அரசின் தோல்வியை மக்கள் பார்த்துக்கொண்டுள்ளனர் என்றும் டிரம்ப் அரசிடம் கொரோனாவை எதிர்கொள்ள சரியான திட்டமில்லை என்று பேசினார்.

இதனையடுத்து, கமலா ஹாரிஸ் அரிசோனா மக்களிடம் “உங்கள் வாக்குதான் உங்கள் வாழ்க்கையை தீர்மானிக்கும் “ அதன்படி, வாக்களிக்குமாறு கேட்டுக் கொண்டார். மேலும், ஆகஸ்ட் மாதத்தில் பரிந்துரைக்கப்பட்ட மாநாட்டிற்குப் பிறகு முதல் முறையாக ஜோ பைடனும் ஹாரிஸும் நேற்று ஒன்றாக பிரச்சாரம் செய்தனர்.

மேலும், முக்கியமான புதிய போர்க்களத்தை முன்னிலைப்படுத்த அரிசோனாவைத் தேர்ந்தெடுத்தனர். அங்கு, ஜனநாயக செனட் வேட்பாளர் மார்க் கெல்லிக்கு வாக்களிக்க அரிசோனா மக்களை ஹாரிஸ் வலியுறுத்தினார்.