“சக்ரா” படத்தின் ரிலீஸ் தேதி அறிவித்த விஷால்…!
விஷால் நடிப்பில் உருவாகியுள்ள சக்ரா படத்தினை பிப்ரவரி 19-ம் தேதி திரையரங்குகளில் வெளியிட உள்ளதாக விஷால் தனது ட்வீட்டர் பக்கத்தில் அறிவித்துள்ளார்.
இயக்குனர் எம்.எஸ்.ஆனந்தன் இயக்கத்தில் நடிகர் விஷால் நடிப்பில் உருவாகியுள்ள திரைப்படம் சக்ரா . இந்த படத்தில் ஷ்ரத்தா ஸ்ரீநாத் விஷாலுக்கு ஜோடியாக நடித்துள்ளார்.மேலும் ரெஜினா, ரோபோ ஷங்கர், மனோபாலா, சிருஷ்டி டாங்கே, கே.ஆர்.விஜயா உள்ளிட்ட பலர் நடித்துள்ள இந்த படத்தில் விஷால் இராணுவ அதிகாரியாக நடித்துள்ளார். இசையமைப்பாளர் யுவன் ஷங்கர் ராஜா இசையமைத்துள்ள இந்த படத்தினை மே மாதம் ரிலீஸ் செய்ய உள்ளதாக அறிவிக்கப்பட்டிருந்தது.
ஆனால் கொரோனா வைரஸ் பரவல் காரணமாக தள்ளி வைக்கப்பட்ட சக்ரா படத்தின் ரிலீஸ் தேதி தற்போது அறிவிக்கப்பட்டுள்ளது.அதன்படி விஷால் நடிப்பில் உருவாகியுள்ள சக்ரா படத்தினை பிப்ரவரி 19-ம் தேதி திரையரங்குகளில் வெளியிட உள்ளதாக நடிகர் விஷால் தனது ட்வீட்டர் பக்கத்தில் அறிவித்துள்ளார்.
இது தொடர்பாக அவர் கூறியிருப்பது, எங்கள் அதிரடி திரில்லர் படமான சக்ராவை பிப்ரவரி 19 ஆம் தேதி 4 தென்னிந்திய மொழிகளிலும் திரையரங்குகளில் வெளியிட திட்டமிட்டுள்ளோம். ஒரு பெரிய வெளியீடாகப் போகிறது. என்று பதிவிட்டுள்ளார்.
Yes, it’s confirmed…
We have planned to release our action thriller film #Chakra in theatres on February 19th in all 4 South Indian Languages. Going to be a grand release. Looking forward to it… GB— Vishal (@VishalKOfficial) February 1, 2021
