விஜய் தேவரகொண்டாவின் “லிகர்” வெளியீட்டு தேதி அறிவிப்பு …!

பூரி ஜெகநாத் இயக்கத்தில் உருவாகியுள்ள புதிய திரைப்படம் லிகர். இந்த படத்தில் கதாநாயகனாக விஜய் தேவர்கொண்டா நடித்துள்ளார். இந்த படத்தை பூரி ஜெகநாத் உடன் இணைந்து, கரண் ஜோகர் மற்றும் நடிகை சார்மி கவுர் ஆகியோர் தயாரித்துள்ளனர்.

மேலும் உலகப்புகழ் பெற்ற குத்துச்சண்டை வீரர் மைக் டைசன் அவர்களும் படத்தில் முக்கியமான கதாபாத்திரத்தில் நடித்துள்ளார்கள். அமெரிக்காவில் படமாக்கப்பட்டுள்ள இந்த படத்திற்கான படப்பிடிப்பு வேலைகள் தற்போது நிறைவு பெற்றுள்ளது.

மேலும், டப்பிங் பணிகளும் முடிவடைந்து உள்ளதாக தகவல் வெளியாகி உள்ளது.படத்தின் இறுதிக்கட்ட பணிகள் நடைபெற்று வரும் நிலையில், இந்த படத்தின் ரிலீஸ் தேதி தற்போது வெளியாகியுள்ளது.

அதன்படி ஆகஸ்ட் மாதம் 25ஆம் தேதி இப்படம் தமிழ், தெலுங்கு, இந்தி, கன்னடம் மற்றும் மலையாளம் ஆகிய 5 மொழிகளில் வெளியாக உள்ளதாக அறிவிக்கப்பட்டுள்ளது.