விரைவில் திருமணம் செய்யவிருக்கும் விஜய் சேதுபதி பட நடிகை.!

விஜய் சேதுபதியின் ஒரு நல்ல நாள் பார்த்து சொல்றேன் படத்தில் நடித்த நிஹாரிகா விரைவில் திருமணம் செய்ய போவதாகவும், அவரது வருங்கால கணவரின் புகைப்படத்தையும் பதிவிட்டுள்ளார்.

ஆறுமுக குமார் இயக்கத்தில் விஜய் சேதுபதி நடிப்பில் வெளியான ‘ஒரு நல்ல நாள் பார்த்து சொல்றேன்’ படத்தில் நடித்தவர் தான் நிஹாரிகா கொனிதேலா. இந்த படத்தில் கௌதம் கார்த்திக், காயத்ரி உள்ளிட்ட பலர் முக்கிய வேடங்களில் நடித்திருந்தார்கள். அதனையடுத்து இவர் தெலுங்கிலும் ஒரு சில படங்களிலும், வெப் சீரிஸ்களிலும் நடித்துள்ளார். சமீபத்தில் சிரஞ்சீவியின் சைரா நரசிம்ம ரெட்டி படத்தில் நடித்திருந்தார்.

இந்த நிலையில் தற்போது இவருக்கு விரைவில் ஒரு ஐடி ஊழியருடன் திருமணம் நடக்கயிருப்பதாக தகவல்கள் வெளியாகியுள்ளன. ஆந்திர மாநில குண்டூர் ஐஜி பிரபாகர் ராவ் என்பவரின் மகனான Venkata chaitanya jonnalagadda என்ற ஐடி துறையில் பணிபுரிபவரை திருமணம் செய்து வைக்க குடும்பத்தாரால் நிச்சயிக்கப்பட்டுள்ளதாக கூறப்படுகிறது. அதனை உறுதிப்படுத்தும் வகையில் நிஹாரிகா தனது இன்ஸ்டாகிராம் பக்கத்தில் வருங்கால கணவரான வெங்கட்டுடன் இணைந்துள்ள புகைப்படங்களை பதிவிட்டுள்ளார். அதனையடுத்து அவருக்கு திரையுலக பிரபலங்களும், ரசிகர்களும் வாழ்த்துக்களை தெரிவித்து வருகின்றனர்.