விஜய் சேதுபதி விவகாரம் தொடர்பாக ஆதரவளித்த பிரபல நடிகை.!

விஜய் சேதுபதிக்கு ஆதரவாக பேசி நடிகையும், இயக்குநருமான லட்சுமி ராமகிருஷ்ணன் கருத்தை ஒன்றை தனது டுவிட்டர் பக்கத்தில் பதிவிட்டுள்ளார்.

விஜய் சேதுபதி, கடந்தாண்டு தனியார் தொலைக்காட்சியான சன் டிவியில் நம்ம ஊரு ஹீரோ என்னும் நிகழ்ச்சி ஒன்றில் கலந்து கொண்டு பேசுகையில் கடவுளை குளிப்பதை காட்டுகிறார்கள், ஆனால் டிரஸ் அணிவதை திரை போட்டு மூடுகிறார்கள் என்று நகைச்சுவையாக பேசியுள்ளார். இந்த பேச்சால் இந்துக்களை தவறாக சித்ததரித்ததாக   கூறி சில மதவாதிகள் விஜய் சேதுபதி மற்றும் அவரது குடும்பத்தினரை அவதூறாக பேசி வருகின்றனர். அந்த வீடியோவால் தற்போது பெரும் பரபரப்பு ஏற்பட்டுள்ளது. 

மேலும் விஜய் சேதுபதியின் மீது இதற்காக அகில இந்திய இந்துமகா அமைப்பு காவல்நிலையத்தில் புகார் அளித்துள்ளது மேலும் அவரது ரசிகர் மன்றம் சார்பில் விஜய் சேதுபதியின் பெயரை துஷ்பிரயோகம் செய்யும் நபர்கள் மீது வழக்கு பதிவு செய்தனர். அதோடு விஜய் சேதுபதி சொந்த கருத்தை பேசவில்லை என்றும், ஏற்கனவே நடிகரும், நாடக ஆசிரியருமான கிரேஸி மோகன் கூறியதை தான் அவர் எடுத்துக் கூறியிருந்தார் என்றும் கூறியுள்ளனர். 

இந்த நிலையில் விஜய் சேதுபதிக்கு ஆதரவாக பேசி நடிகையும், இயக்குநருமான லட்சுமி ராமகிருஷ்ணன் கருத்தை ஒன்றை தனது டுவிட்டர் பக்கத்தில் பதிவிட்டுள்ளார். அதில் விசுவாசிகளுக்கும், கோவில் மற்றும் சடங்குகளை புனிதமாக கருதுபவர்களுக்கும் இந்த விஷயம் நிச்சயமாக மனதை புண்படுத்தும் என்றும், வேறு எந்த மதத்தின் மத நடைமுறைகளையும் யாரும் கேலி செய்ய துணிய மாட்டார்கள் என்பதை நான் ஒப்புக் கொள்கிறேன். ஆனால் இதை அவர் எப்போது கூறினார் என்று ஒரு முடிவுக்கு வருவதற்கு முன்பு மீண்டும் ஒருமுறை சரி பாருங்கள் என்று கூறியுள்ளார்

For believers and those who consider the temple & the rituals as sacred will definitely feel hurt. Nobody will dare make fun of religious practices of any other religion, I agree!!But again, the context, pls check that before getting into conclusions & when did he say this?!! https://t.co/w9A8NxKfVX

— Lakshmy Ramakrishnan (@LakshmyRamki) May 8, 2020