அடுத்தடுத்து ஐஸ்வர்யா ராஜேஷ் நடிக்கும் திரைப்படத்தில் கெஸ்ட் ரோலில் விஜய் சேதுபதி!

தமிழ் சினிமாவில் மிகவும் பிசியான நடிகராக வலம் வருகிறார் மக்கள் செல்வன் விஜய் சேதுபதி. இவர் தமிழில் கடைசி விவசாயி, லாபம், துக்ளக் என பளபதிகளிலும், தெலுங்கில் ஒரு படம், மலையாளத்தில் மார்க்கோனி மத்தாய் என தென்னிந்திய சினிமாவில் மிகவும் பிசியாக நடித்து  வருகிறார். அக்டோபர் தொடக்கத்தில் சைரா நரசிம்ம ரெட்டி, சங்கத்தமிழன் ஆகிய படங்கள் வெளியாக உள்ளது.

தற்போது கார்த்திக் சுப்பாராஜ் தயாரித்து வரும் ஹீரோயினுக்கு முக்கியத்துவம் கொடுத்து வரும் திரைப்படத்தில் ஐஸ்வர்யா ராஜேஷ் நடித்து வருகிறார். இந்த படத்தில் ஒரு முக்கிய கெஸ்ட் ரோலில் விஜய் சேதுபதி நடிக்க உள்ளாராம். இப்படத்தை ரதீந்திரன் பிரசாத் என்பவர் இயக்கி வருகிறார்.

இதேபோல, ஐஸ்வர்யா ராஜேஷ் முன்னணி வேடத்தில் நடித்து வரும் க/பெ ரணசிங்கம் எனும் படத்திலும் முக்கிய வேடத்தில் விஜய் சேதுபதி நடித்து வருகிறாராம். இந்த படத்தை விருமாண்டி என்பவர் இயக்கி வருகிறார்.