ஏழை மாணவிக்கு நிதியுதவி வழங்கி உதவிய விஜய் மக்கள் இயக்கம்.!

குடும்ப வறுமை காரணமாக படிப்பை தொடர முடியாமல் இருந்த ஏழை மாணவிக்கு விஜய் மக்கள் இயக்கம் ரூ.1 லட்சம் நிதியுதவி வழங்கி உதவியுள்ளனர்.

நடிகர் விஜய் “அகில இந்திய தளபதி மக்கள் இயக்கம்” என்ற பெயரில் பல சமூக பணிகளை செய்து வருகிறார்.ஏழை எளிய மக்களுக்கு உதவும் விஜய் மக்கள் இயக்கம் இயற்கை பேரிடர்களின் போதும் களத்தில் இறங்கி துரிதமாக செயல்பட்டு பாதிக்கப்பட்டவர்களுக்கு உதவி செய்வதில் முக்கிய பங்கு வகிப்பவர்களாகும்.

இந்த நிலையில் தற்போது விஜய் மக்கள் இயக்கத்தினர் ஒரு ஏழை மாணவியின் படிப்புக்கு உதவியுள்ளனர் . ராணிப்பேட்டை பகுதியை சேர்ந்த அஸ்வினி என்ற மாணவி குடும்ப வறுமை காரணமாக தனது படிப்பை தொடர முடியாமல் இருந்துள்ளார்.இதனை அறிந்த விஜய் மக்கள் இயக்கத்தினர் அஸ்வினி தனது படிப்பை தொடருவதற்காக ரூ.1 லட்சம் நிதியுதவி வழங்கி உதவியுள்ளனர் .இதனை தொடர்ந்து அஸ்வினி மற்றும் அவரது பெற்றோர்கள் விஜய் மற்றும் விஜய் மக்கள் இயக்கத்தினருக்கு தங்களது நன்றியை தெரிவித்துள்ளனர்.