வெற்றிமாறன்- லாரன்ஸின் “அதிகாரம்” படத்தில் இணைந்த தெலுங்கு இசையமைப்பாளர்.?

அதிகாரம் படத்தில் இசையமைப்பாளர் தமன் எஸ் இணைந்துள்ளதாக படத்தின் தயாரிப்பு நிறுவனம் அறிவித்துள்ளது. 

நடிகர் ராகவா லாரன்ஸ் தற்போது அவரே இயக்கி ருத்ரன் என்ற படத்தில் நடித்து வருகிறார். இந்த படத்தில் அவருக்கு ஜோடியாக நடிகை பிரியா பவானி சங்கர் நடித்து வருகிறார். விரைவில் இந்த திரைப்படத்தின் படப்பிடிப்பு முடிந்து விடும் என்று எதிர்பார்க்கப்படுகிறது. இந்நிலையில், இந்த படத்தை தொடர்ந்து இயக்குனர் வெற்றி மாறன் எழுதிய, அதிகாரம் என்ற படத்தில் நடிக்கவுள்ளார்.

இந்த படத்தை கொடி, காக்கிச்சட்டை, எதிர்நீச்சல் போன்ற படங்களை இயக்கிய துறை செந்தில் குமார் இயக்குகிறார். இந்த திரைப்படத்தை ஃபைவ் ஸ்டார் கிரியேஷன்ஸ் நிறுவனம் சார்பில் தயாரிப்பாளர் கதிரேசன் மற்றும் கிராஸ் ரூட் பிலிம் சார்பில் இயக்குனர் வெற்றிமாறன் இணைந்து தயாரிக்கிறார்கள்.

இந்த படத்திற்கான போஸ்டர்கள் வெளியாகி ரசிகர்களுக்கு மத்தியில், பலத்த வரவேற்பை பெற்றதை தொடர்ந்து, இந்த படத்தில் இசையமைப்பாளர் தமன் எஸ் இணைந்துள்ளதாக படத்தின் தயாரிப்பு நிறுவனம் அறிவித்துள்ளது.