வாடிவாசல் அப்டேட் : முரட்டு காளையாக நாளை மிரட்ட வருகிறார் சூர்யா…!

வாடிவாசல் திரைப்படத்தின் டைட்டில் லுக்கை நாளை மாலை 5:30க்கு வெளியாகும் என்று தயாரிப்பாளர் கலைப்புலி தாணு அறிவித்துள்ளார்.

நடிகர் சூர்யா தற்போது இயக்குனர் பாண்டிராஜ் இயக்கத்தில் தனது 40 வது படத்தில் நடித்து வருகிறார். இந்த திரைப்படத்தின் படப்பிடிப்பு விறுவிறுப்பாக நடைபெற்று வருகிறது. விரைவில் இந்த படத்தின் படப்பிடிப்பு முடிந்துவிடும் என்று எதிர்பார்க்கப்படுகிறது.

இந்த படத்தை தொடர்ந்து நடிகர் சூர்யா அடுத்ததாக இயக்குனர் வெற்றி மாறன் இயக்கத்தில் வாடிவாசல் என்ற படத்தில் நடிக்கவுள்ளார். இந்த படத்தை தயாரிப்பாளர் கலைப்புலி எஸ் தாணு தயாரிக்கிறார். இசையமைப்பாளர் ஜிவி பிரகாஷ் இசையமைத்து வருகிறார்.

இந்த திரைப்படத்திற்கான ஃபர்ஸ்ட் லுக் போஸ்டர் கடந்த ஆண்டு ஜூலை 23- ஆம் தேதி சூர்யா பிறந்த நாளை முன்னிட்டு வெளியீடப்பட்டது. அதனை தொடர்ந்து படத்திலிருந்து எந்த அப்டேட்டும் வெளியாகாமல் இருந்த நிலையில், தற்போது வாடிவாசல் படத்தின் புதிய அப்டேட்டை தயாரிப்பாளர் கலைப்புலி எஸ் தாணு அறிவித்துள்ளார். அதன் படி, வாடிவாசல் திரைப்படத்தின் டைட்டில் லுக் நாளை மாலை 5:30 வெளியாகவுள்ளதாக அறிவித்துள்ளார்.

இது குறித்து அவர் ட்வீட்டர் பக்கத்தில் “வாடிவாசல் பற்றிய அறிவிப்பிற்காக ஆவலுடன் எதிர்பார்த்திருந்த தமிழ் நெஞ்சங்களுக்கு நல்விருந்தாய், வாடிவாசல் திரைப்படத்தின் டைட்டில் லுக்கை நாளை மாலை 5:30’க்கு வெளியிடுவதில் மிக்க மகிழ்ச்சி கொள்கிறேன்” என்று தெரிவித்துள்ளார். இதனால் சூர்யா ரசிகர்கள் உற்சாகத்தில் உள்ளனர்.