அமெரிக்க அதிபர் தேர்தல்: வாக்குப்பெட்டியில் இடம்பெற்றிருந்த “தமிழ்”

அமெரிக்காவில் நடைபெறும் அதிபர் தேர்தலுக்கான வாக்குப்பெட்டியில் வாக்குச் சீட்டை எங்கே போட வேண்டும் என்பதற்கான அறிவிப்பு, தமிழில் பதிக்கப்பட்டுள்ளது.

அமெரிக்காவில் கொரோனா பரவலுக்கு மத்தியிலும், அடுத்த மாதம் 3 ஆம் தேதி அதிபர் தேர்தல் நடைபெறவுள்ளது. இதனால் தேர்தல் பணிகள் விறுவிறுப்பாக நடைபெற்று வரும் நிலையில், இந்த தேர்தலில் குடியரசு கட்சி சார்பாக தற்பொழுதுள்ள அதிபர் டிரம்ப், ஜனநாயக கட்சி சார்பாக ஜோ பைடன் மற்றும் துணை அதிபர் பதவிக்கு மைக் பென்ஸ் மற்றும் இந்திய வம்சாவளியை சேர்ந்த கமலா ஹாரீஸ் போட்டியிடுகின்றனர். இருவரும் கடுமையான பிரச்சாரங்களை மேற்கொண்டனர்.

அமெரிக்காவில் தேர்தல் நடைபெறும் தேதிக்கு முன்பாகவே வாக்காளர்கள் வாக்களிப்பதற்கான வசதிகள் உள்ளது. அதன்படி பொதுமக்கள் ஆர்வமாக வந்து தங்களின் வாக்குகளை பதிவு செய்து வருகின்றனர். தேர்தல் தொடங்க இன்னும் 5 நாட்களே உள்ளநிலையில், வாக்குப்பெட்டிகளை கொண்டுசெல்லும் பணிகளில் அதிகாரிகள் தீவிரமாக நடந்து வருகிறது.

இந்நிலையில், அமெரிக்காவில் நடைபெறும் அதிபர் தேர்தலுக்கான வாக்குப்பெட்டியில் தமிழில் அறிவிப்புகள் பதிக்கப்பட்டுள்ளது. வாக்குச் சீட்டை எங்கே போட வேண்டும் என்பதற்கான அறிவிப்பு தமிழில் பாதிக்கப்பட்ட புகைப்படங்கள் இணையத்தில் வெளியானது.