அமெரிக்க அதிபர் தேர்தல் வரலாற்றில் மோசமான ஒரு வேட்பாளருக்கு எதிராக போட்டியிடுகிறேன் – டொனால்ட் டிரம்ப்

அமெரிக்க அதிபர் தேர்தல் வரலாற்றில் மிக மோசமான ஒரு வேட்பாளருக்கு எதிராக போட்டியிட்டுள்ளேன் என்று அமெரிக்க அதிபர் டொனால்ட் டிரம்ப் தெரிவித்துளளார். 

அமெரிக்காவில் கொரோனாவைப் பற்றி பேசுவதை விட, நவம்பர் 3-ஆம் தேதி நடைபெறவுள்ள தேர்தலை பற்றி பேசும் பேச்சுக்களே அதிகளவில் உள்ளது. இதன்காரணமாக, அங்கு தேர்தல் பணிகள், விறுவிறுப்பாக நடைபெற்று வருகிறது.  குடியரசு கட்சி சார்பாக தற்பொழுதுள்ள அதிபர் டொனால்ட் டிரம்ப் போட்டியிடுகிறார். மேலும், ஜனநாயக கட்சியின் சார்பாக முன்னாள் துணை அதிபரான ஜோ பைடன் போட்டியிடுகிறார்.துணை அதிபராக அமெரிக்க வாழ் இந்திய பெண்மணியான கமலா ஹாரிஸ் போட்டியிடுகிறார்.

அமெரிக்காவில் தேர்தல் தொடங்க இன்னும் நாட்கள் குறைவாக உள்ள நிலையில், அங்கு தேர்தல் பிரச்சாரங்கள் சூடுபிடித்துள்ளது. இதனிடையே  பென்சில்வேனியாவில் நடைபெற்ற பிரச்சாரத்தில் ,அமெரிக்க அதிபர் டொனால்ட் டிரம்ப் பேசினார்.அவர் பேசுகையில், நான் அமெரிக்க அதிபர் தேர்தல் வரலாற்றில் மிக மோசமான ஒரு வேட்பாளருக்கு எதிராக போட்டியிட்டுள்ளேன்.இது எனக்கு அதிக அழுத்தத்தை கொடுத்துள்ளது  என்று தெரிவித்துள்ளார்.