துருக்கி வெள்ளத்தில் சிக்கி உயிரிழந்தோர் எண்ணிக்கை 74 ஆக அதிகரிப்பு..!

துருக்கி நாட்டில் ஏற்பட்டுள்ள வெள்ளத்தில் சிக்கி உயிரிழந்தவர்களின் எண்ணிக்கை 74 ஆக அதிகரித்துள்ளது.

ஆகஸ்ட் 11 ஆம் தேதி அன்று துருக்கியில் உள்ள கருங்கடல் பகுதியில் கனமழை பெய்துள்ளது. இதனால் பார்டின், கஸ்டமோனு, சினோப் மற்றும் சம்சுன் ஆகிய இடங்களில் பெரிதளவு மழை வெள்ளத்தால் பாதிக்கப்பட்டுள்ளது. இதன் காரணமாக அங்கு ஏற்பட்ட வெள்ளத்தில் வீடுகள், பாலம் உள்ளிட்டவை இடிந்து விழுந்துள்ளது. இதில் பல பேர் பாதிக்கப்பட்டுள்ளனர்.

மேலும், இந்த வெள்ளத்தால் இதுவரை 74 பேர் உயிரிழந்துள்ளனர். காஸ்டமோனு பகுதியில் 62 பேரும், சினோப் பகுதியில் 11 பேரும், பார்ட்டின் பகுதியில் 1 நபரும் உயிரிழந்துள்ளது குறிப்பிடத்தக்கது. அதேபோல் 2,440க்கும் மேற்பட்ட மக்களை பாதுகாப்பான இடங்களுக்கு அனுப்பப்பட்டுள்ளனர்.

இதனை அடுத்து வெள்ளத்தில் சிக்கியவர்களை மீட்கும் முயற்சியில் பேரிடர் மீட்பு பாதுகாப்பு படையினர் ஈடுபட்டுள்ளனர். வெள்ளத்தால் காயமடைந்தவர்களுக்கு மருத்துவமனைகளில் சிகிச்சை அளிக்கப்பட்டு வருகிறது. மேலும் இரண்டு கப்பல்கள் இப்பகுதி மக்களின் உடமைகளை மீட்க அனுப்பப்பட்டுள்ளது.