தளபதி 64-க்கு வந்த சோதனை! தாமதமாகும் படபிடிப்பு!

தளபதி விஜய் தமிழ் சினிமாவின் பிரபலமான நடிகர்களில் ஒருவர் ஆவார். இவரது நடிப்பில் சமீபத்தில் வெளியான பிகில் திரைப்படம் மக்கள் மத்தியில் நல்ல வரவேற்பை பெற்றது. இதனையடுத்து, இவர் தற்போது லோகேஷ் கனகராஜ் இயக்கத்தில் புதிய படத்தில் நடித்து வருகிறார்.
இப்படம் 2020-ம் ஆண்டு கோடை கொண்டாட்டமாக திரைக்கு வரும் என்று கூறப்படுகிறது. இப்படத்திற்கு, இசையமைப்பாளர் அனிருத் இசையமைக்கிறார். இப்படத்தின் முதற்கட்ட படப்பிடிப்பு டெல்லியில் துவங்கியுள்ளது. இந்த படப்பிடிப்பு புகைப்படங்களில் சில சமூக வலைத்தளங்களில் வைரலாகி வந்தது.
இந்நிலையில், தெப்போது டெல்லியில் காற்று மாசு காரணமாக இயல்பு வாழ்க்கை பாதிக்கப்பட்டுள்ளது. டெல்லியில் காற்று மாசு அதிகமாக இருப்பதால், டெல்லி அரசு பல நடவடிக்கைகளை மேற்கொண்டு வருகிற நிலையில், காற்று மாசு காரணமாக தளபதி 64 படப்பிடிப்பு தாமதமாகி வருவதாக செய்திகள் வெளியாகியுள்ளது. மேலும், காற்று மாசு குறைந்தால் தான் படப்பிடிப்பு தொடங்கும் என கூறப்படுகிறது.