தடம்புரண்ட ரயில்.! 2 பேர் உயிரிழப்பு ஏராளமானோர் படுகாயம்.!

• ஆஸ்திரேலியாவில் பயணிகள் ரயில் தடம்புரண்ட விபத்தில் 2 பேர் பரிதாபமாக பலியாகினர். இதில் பயணித்த ஏராளமான பயணிகள்  காயமடைந்துள்ளனர்.

ஆஸ்திரேலியாவின் சிட்னியில் இருந்து சுமார் 160 பயணிகளுடன் மெல்போர்ன் நோக்கி ரயில் சென்று கொண்டிருந்தபோது வாலன் என்ற பகுதியில் ரயில் வந்தபோது, திடீரென என்ஜின் உட்பட 5 பெட்டிகளும் தண்டவாளத்தில் இருந்து விலகி தடம்புரண்டது. இதில் ரயில் ஓட்டுநரும், அவரது உதவியாளரும் என 2 பேரும் பரிதாபமாக சம்பவ இடத்திலேயே உயிரிழந்தனர்.

மேலும் தடம்புரண்ட பெட்டிகளில் இருந்த ஏராளமான பயணிகள் காயமடைந்து மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இந்த விபத்து தொடர்பாக போலீசார் விசாரணை மேற்கொண்டு வருகின்றனர். இச்சம்பவத்தால் அப்பகுதியில் ரயில் போக்குவரத்து தற்காலிகமாக நிறுத்தப்பட்டது.