சிறு அசைவுகளையும் கவனித்து ஆடிய ரசிகன்.! அப்பனுக்கு பெருமை என்று ட்வீட் செய்த கமல்.!

உலகநாயகன் கமல்ஹாசன் பாடலுக்கு அச்சுஅசலாக நடனமாடிய ரசிகரின் வீடியோ சமூக வலைத்தளங்களில் மிகவும் வைரலாகி வருகிறது.

தமிழ் சினிமாவின் உலகநாயகன் கமல்ஹாசன், இவருக்கென்று ரசிகர்கள் பட்டாளம் ஏராளம் உண்டு . அதிலும் இவரது நடனத்திற்கு மட்டுமே ரசிகர்களாக உள்ளவர்களும் உண்டு. இவர் நடிப்பில் வல்லவன் மட்டுமில்லாமல் நடனத்திலும் சகலகலா வல்லவன் . நாட்டுப்புற நடனம் தொடங்கி, பரதம், கதக் உள்ளிட்ட அனைத்து கலைகளையும் பிச்சு மேய்ந்தவர் உலகநாயகன். இவர் தற்போது இந்தியன் 2 படத்தில் நடித்து வருகிறார்.

இந்த நிலையில் தற்போது இவரது ரசிகர் ஒருவர் ‘அண்ணாத்த ஆடுகிறார் ஒத்திக்கோ’ பாடலுக்கு அவரை போன்றே நடனமாடி அசத்தியுள்ளார். பார்ப்பதற்கு சிறிது கமல்ஹாசன் அவர்களை போன்றுள்ள அவரது வீடியோவை பார்த்த உலகநாயகன் தனது டுவிட்டர் பக்கத்தில் பதிவு ஒன்றை பகிர்ந்துள்ளார். அதில் நான் செய்த நல்வினைகள் என் ரசிகரை சென்றடைந்ததா எனும் சந்தேகம் எல்லாக் கலைஞர்களுக்கும் உண்டு. என் சிறு அசைவுகளைக் கூட கவனித்த அண்ணாத்த ஆடுகிறார். அது அப்பனுக்கு எவ்வளவு பெருமை? வாழ்க மகனே! என்னைத் தலைமுறைகள் விஞ்சப் பார்த்து மகிழ்வதே என் கடமை, பெருமை என்று கூறியுள்ளார். தற்போது அந்த வீடியோவை ரசிகர்கள் சமூக வலைத்தளங்களில் வைரலாக்கி வருகின்றனர்.