ரைஸ் குக்கரை திருமணம் செய்து, 4 நாட்களில் விவாகரத்து செய்த நபர்…! இணையத்தில் வைரலாகும் புகைப்படங்கள்…!

இந்தோனேசியாவை சேர்ந்த கொய்ருல் அனாம் என்பவர், இயற்கைக்கு மாறாக, ரைஸ் குக்கரை திருமணம் செய்து 4 நாட்களில் விவாகரத்து செய்துள்ளார். 

இந்தோனேசியாவை சேர்ந்த கொய்ருல் அனாம் என்பவர், இயற்கைக்கு மாறாக, ரைஸ் குக்கரை திருமணம் செய்துள்ளார். இவர் திருமணம் செய்தது மட்டுமல்லாமல், சட்டப்பூர்வமாக்குவதற்கான சம்பிரதாயங்களை முடிக்க திருமண ஆவணங்களிலும் கையெழுத்திட்டுள்ளனர்.

இது தொடர்பாக வெளியாகியுள்ள புகைப்படத்தில், ஆடம்பரமான திருமண உடை அணிந்திருந்தார். பிலிப்ஸ் அரிசி குக்கர் மணமகளின் முக்காடு அணிந்திருந்தது. ஒரு படத்தில், மணமகனும், மணமகளும் ஒன்றாக தோற்றமளிப்பதையும், மற்றொரு படத்தில், திருமணத்தை சட்டப்பூர்வமாக்குவதற்கான சம்பிரதாயங்களை முடிக்க திருமண ஆவணங்களில் அனாம் கையொப்பமிடுவது போலவும் புகைப்படம் உள்ளது. அவர் மற்றொரு படத்தில் தனது மணப்பெண்ணை முத்தமிடுவதையும் காணலாம்.

இதுகுறித்து அனாம் கூறுகையில், வெள்ளையான, அமைதியான, சரியான, அதிகம் பேசாத ஒன்று. சமையலில் நல்லது, நீங்கள் இல்லாமல் அரிசி சமைக்கப்படவில்லை என தெரிவித்தார். ஆனால், 4 நாட்களுக்குப் பிறகு தனது ‘மனைவியை’ ‘விவாகரத்து’ செய்ததாக அனாம் அறிவித்ததால் திருமணம் நீண்ட காலம் நீடிக்கவில்லை.

பிரிவுக்குப் பின்னால் உள்ள காரணம் குறித்து அவர் கூறுகையில், அவள் அரிசி சமைப்பதில் வல்லவள். ஆனால் வேறு எந்த உணவுகளையும் செய்வதில் வல்லவள் அல்ல என கூறியுள்ளார். திருமணம் மற்றும் விவாகரத்து எல்லாம் ஒரு நகைச்சுவையாக இருந்தது மற்றும் அந்த நபர் சமூக வலைத்தளங்களில் விளம்பரத்தைப் பெற முயன்றதாகவும் கூறப்படுகிறது.

Putih, pendiam, pintar memasak, idaman sekali ???? pic.twitter.com/vih2KGkAuz

— RJ (@lagidirumah) September 23, 2021