உங்கள் நெஞ்சத்தை வருடவரும் இசை…”நானே வருவேன்” படத்தின் சூப்பர் அப்டேட்.!

நடிகர் தனுஷ் நடிப்பில் இயக்குனர் செல்வராகவன் இயக்கத்தில் உருவாகி வரும் திரைப்படம் “நானே வருவேன்”. இந்த திரைப்படத்திற்கு இசையமைப்பாளர் யுவன் சங்கர் ராஜா இசையமைத்து வருகிறார். இந்த படத்தை தயாரிப்பாளர் கலைப்புலி தாணு தயாரிக்கிறார்.

இந்த திரைப்படத்திற்கான படப்பிடிப்புகள் அனைத்தும் முடிவடைந்து தற்போது இறுதிக்கட்ட பணிகள் மும்மரமாக நடைபெற்று வருகிறது. இந்த மாதம் இறுதியில் படத்தை திரையரங்கிற்கு கொண்டு வருவதற்கு படக்குழு திட்டமிட்டுள்ளனர்.

இதையும் படியுங்களேன்- பைக் இன்சூரன்ஸை கெட்டாமல் ஊர் ஊராய் சுற்றும் அஜித்.! சர்ச்சையில் சிக்கிய பின்னணி விவரம்…

இந்த நிலையில், இந்த திரைப்படத்திற்கான அப்டேட் ஒன்று நாளை மாலை 6.20 க்கு வெளியாகும் என படத்தின் தயாரிப்பாளர் கலைப்புலி தாணு அறிவித்திருந்தார். அதன்படி தற்போது அந்த அப்டேட் வெளியாகியுள்ளது. அது என்னவென்றால், நானே வருவேன் படத்தின் முதல் பாடல் செப்டம்பர் 7-ஆம் தேதி வெளியாகவுள்ளது.

யுவன் ஷங்கர் ராஜா இசையமைத்து பாடியுள்ள இந்த பாடல் வரும் செப்டம்பர் 7-ஆம் தேதி மாலை 4:40’க்கு வெளியிடப்படும் என்ற அறிவிப்பு தற்போது வெளியாகியுள்ளது. இதனால் தற்போது ரசிகர்கள் உற்சாகத்துடன் பாடலை கேட்க காத்துள்ளனர்.  அத்துடன் படம் செப்டம்பர் மாதம் வெளியாகும் எனவும் அறிவிக்கப்பட்டுள்ளது.

உங்கள் நெஞ்சத்தை வருடவரும் இசை! #NaaneVaruven திரைப்படத்தின் முதல் lyrical video 7/9/22 அன்று, மாலை 4:40’க்கு வெளியிடப்படும் என்பதை மகிழ்வோடு தெரிவித்து கொள்கிறேன் @dhanushkraja @selvaraghavan @thisisysr @omdop @Rvijaimurugan @saregamasouth pic.twitter.com/Fj6TxfiQJv

— Kalaippuli S Thanu (@theVcreations) September 5, 2022