‘அந்தகன்’ திரைப்படத்தின் லேட்டஸ்ட் அப்டேட்.!
அந்தகன் திரைப்படத்தின் டப்பிங் பணிகள் தற்போது தொடங்கப்பட்டுள்ளது.
இந்தியில் கடந்த 2018-ம் ஆண்டு ஆயுஷ்மான் குரானா ,தபு , ராதிகா ஆப்தே உள்ளிட்ட பலர் நடிப்பில் வெளியாகி வசூலில் சாதனை படைத்த திரைப்படம் “அந்தாதூன்”. ஸ்ரீராம் ராகவன் இயக்கத்தில் சுமார் 40 கோடி ரூபாய் பட்ஜெட்டில் உருவான இந்த படம் ரூ.450 கோடி வரை வசூல் செய்தது .
மூன்று தேசிய விருதுகளை வென்ற இந்த படமானது ‘அந்தகன்’ என்ற பெயரில் தமிழில் ரீமேக்காக உள்ளது . பிரசாந்த் நடிக்கும் இந்தப் படத்தினை அவரது தந்தையான தியாகராஜன் இயக்கி தயாரிக்கிறார். இந்த படத்தில் கார்த்திக், பிரியா ஆனந்த், சிம்ரன், ஊர்வசி, மனோபாலா,கேஎஸ் ரவிகுமார், பிக் பாஸ் வனிதா, சமுத்திரக்கனி ஆகியோர் நடிக்க உள்ளதாக ஏற்கனவே அறிவிக்கப்பட்டிருந்தது. படத்திற்கு இசையமைப்பாளர் சந்தோஷ் நாராயண் இசையமைத்து வருகிறார்.
படத்தின் படப்பிடிப்பு விறு விறுப்பாக நடைபெற்று வந்த நிலையில், தற்போது இப்படத்தின் டப்பிங் பணிகள் தொடங்கியுள்ளன. டப்பிங்கில் நடிகர் கார்த்திக், லீலா சம்சன், பூவையார், மனோ பாலா, நடிகர் பிரஷாந்த் உள்ளிடோர் கலந்துகொண்டு டப்பிங் பேசி வருகின்றனர். விரைவில் படத்தின் ரிலீஸ் தேதி அறிவிக்கப்படவுள்ளது.
